الرئيسية - الإتصال بنا - تفعيل العضوية - كود التفعيل - استرجاع كلمة المرور

 
   


 

~®§§ الإعلانات في منتديات بقعاء §§®~

لغاية 1435/9/1 هـ

29 / 7 / 1435 هـ

لغاية 1435/09/01 هـ

لغاية 1436/11/30 هـ

لغاية 1436/11/30 هـ

 

 

 مركز تحميل الصور والملفات

  
 

الإهداءات

آخر 10 مشاركات جمعية تحفيظ القرآن ببقعاء تدعوكم لحضور الحفل السنوي (الكاتـب : احمد الدليهان - )           »          حفل اختتام الأنشطة الرياضية بمدرسة غربي بقعاء الابتدائية 1436 (الكاتـب : فيحان عبدالله - )           »          الامتياز للعقارات ** بالصورة فرصة للبيع عمارة تجارية على الشارع العام على شارعين وجهة حجر (الكاتـب : مكتب الامتياز - )           »          الامتياز للعقارات ** بالصور للبــــــيع فيلا مع الاثاث ومع الاجهزة بمخطط الظهيرة على شارع تجارى 40م (الكاتـب : مكتب الامتياز - )           »          الامتياز للعقارات ** يوجد لدينا شقق وبيوت للايجار باسعار مناسبة (الكاتـب : مكتب الامتياز - )           »          الامتياز للعقارات** للبيع مزرعة بكنب الثنيان رشاش 3 ابراج دورة كاملة مزروع برسيم حاليآ (الكاتـب : مكتب الامتياز - )           »          الامتياز للعقارات ** الايجار شقة بمخطط بقعاء الشرقية ملحق (الكاتـب : مكتب الامتياز - )           »          الامتياز للعقارات ** للبيع ارض بحارة قصر النهار على اربع شوارع مساحة 2386م (الكاتـب : مكتب الامتياز - )           »          للبيع حوش بالخوير مساحتة 7840م2 (الكاتـب : مكتب وسيط بقعاء - )           »          يوجد لدينا اراضي سكنية للـــبــيــــع ( بـمخطط الـكـهربـاء )""مكتب البلاد للعقارات"" (الكاتـب : مكتب البلاد العقاري - )


 
العودة   منتديات بقعاء > ะ»» منتديات بقعاء الأدبية ««ะ > ديوانية شعراء بقعاء
 

ديوانية شعراء بقعاء القسم خاص بقصائد شعراء محافظة بقعاء

إضافة رد
 
أدوات الموضوع انواع عرض الموضوع
  #1  
قديم 08-03-2010, 09:49 PM
 
الصورة الرمزية نايف العبيد
 
 
نايف العبيد نايف العبيد غير متواجد حالياً
ساحر الشعر



 
تاريخ التسجيل: Nov 2007
المشاركات: 1,424
معدل تقييم المستوى: 9
نايف العبيد is on a distinguished road
افتراضي ديواني وإيواني

 




كولاجي ودولاجي ..!!
بَرايفتْ أَغوَارِيْ وحَانَة أَسْرَارِي .


1
ذكرى البيعة :

أول قرارات الملك عفو(ن) عظيم=زاد الرواتب والبشر يبغونها
إنت الكريم إبن الكريم إبن الكريم=إنت البلاد وعزّها وركونها
نورك محى من طلعته ليل(ن) بهيم=شمس(ن) تلالا والكواكب دونها
زاحت سراميد الليالي والسديم=أنوارها زاحت ظلايم كونها
ذكي سياسي داهيه فذ(ن) حكيم=تدير دولتنا وكل اشؤونها
في حاجبينك فزعة الحر العديم=الفزعة اللي كلهم يرجونها
وفي نبرتك ياسيدي رعد وهزيم=اتصحي المجنون مع مجنونها
عان الغضنفر دونك يعّود ظليم=حتى الآشاوس قد تقلّب لونها
ياداحر اللماّز وابليس الرجيم=يارادع أشباح(ن) رقص ملعونها
في نون عينك نظرة الأب الرحيم=يانظرة(ن) ماخيّبت مضنونها
ياطيّب الآفعال يالشهم الحليم=محاسنك كل العرب يطرونها
ملك ملك وابن ملك خيرك عميم=كل النفايل فيك مايحصونها
حتى الآرامل والفقارى واليتيم=تكفل لها مصروفها وديونها
يادوحة(ن) خضراء وعّد(ن) مستديم=ياواحة(ن) كل العرب يردونها
تشذى خيال الوسم لاهبّ النسيم=يامزنة(ن) وبل الحيا بمزونها
يابارق(ن) خلته على العارض رزيم=خيره غمر كل البلد وشنونها
سخّرت نفسك للمواطن والمقيم=لين العرب لك بيّحت مكنونها
بعد الله الدولة تحت ظلك نعيم=بحبوحة(ن) خضراء تميل اغصونها
في شرع ربّك والسراط المستقيم=تحكم ذمار المملكة وتصونها
رقيت به روس العوالي عن طميم=اذا تراخت تجتذب عثنونها
روحي من افعالك يابو متعب تهيم=هاك استلمها واستلم عربونها
جيتك مشاعر والشعر دايم نديم=والشوق جمرة والحشا غليونها
يالله طلبتك ياسميعٍ ياعليم=يامنجي(ن) من سبّع الماء نونها
تحفظ بلادي يارؤوفٍ يارحيم =وتعين عبدالله على قانونها
واختامها عز(ن) يعزك يازعيم=جاتك حروفي والوفاء مضمونها


2
بأمير حائل :

بسم المحافظ واللواء مع قراياه = يامرحبا حييّت ياميرنا سعود
أهلاً هلابك عد وبلٍ نثر ماه = وباللي معك يامير من حشد ووفود
يامرحبا عد البيوت المبنّاه = أهلاً هلا مليون ماذعذعت نود
استبشرت بقعاء وسالت شغاياه = بقدومك الميمون ياراعي الجود
انت السحاب اللي من الغرب منشاه = هتّان غيثك يروي حلوق وكبود
وانت الخِيال اللي نشى وانتظرناه = الجود من جودك يابوفيصل يجود
المنطقه مثل العروس الخونداه = قامت تعطّر لك زبادي وكمبود
دللّتها واعطيتها ماتمناه = واكرمتها لين اصبحت عد مورود
صنت الآمانه واعتليت المناراه = بذلت جهدك والسعد فيك موعود
انت الكريم اللي سخى الطيب مجناه = حاتم زمانك والليالي لك شهود
وعضيدك اللي ماتوانا مطاياه = النايب اللي بالمهمات معهود
تجلا صروف الوقت شوفة محيّاه = حليم متواضع ولافيه منقود
عبدالعزيز اللي فريده مزاياه = ذكي قيادي ذايع الصيت محمود
سمي من وحّد بلادي بيمناه = عبدالعزيز اللي دحر كل نمرود
معزّي اللي عز نجدٍ بشلفاه = يالله عسى قبره بساتين و ورود
المملكه في خير والخير شفناه = من فضل ربي دايم الخير في زود
في عهد عبدالله ملك لاعدمناه = عشنا بخير وأمن وسهود ومهود
وسلطان أبوخالد جزالٍ عطاياه = ولي عهد وقايد جيوش وحشود
دولة فخر بين الدول طال مبناه = للسلم سلم وللمعادين بارود
والشكر جايز يوم الأبيات قلناه = حقٍ علينا وآرثينه من جدود
لمحافظ الديره سعد مانسيناه = بذل على شان اللوى كل مجهود
سعد ابن تركي سعد كل من جاه = يعمل بصمت ولابغيناه موجود
ومن قبل ما اختم جملتي والعباراه = يا اميرنا ياسعود يامنقع الجود
كليةٍ ياما وياما رجيناه = من دونها باب الرجاء صار موصود
وبناتكم تشكي خطوط ومسافاه = والخط موحش والعمر بات محدود
دشّّن مبانيها وهات البشاراه = اعلن لهل بقعاء خبر يِفرح الخود
واختامها صلّوا على صاحب الجاه = محمد المختار ماترعد رعود


3
ابتهالات :

بالله سميّت وانشدت كم بيت=بيت(ن) بثر بيت في ظرف ساعه
على كاغد الزاج والهم لعاّج=والليل كولاج كيّلت صاعه
إلى الله أبدي بلائي وجهدي=وضعفي وفقدي ولابي جزاعه
جبار الكسار عضيد العثارى=مغيث الحيارى فكم بل قاعه
حكيم(ن) عليم(ن) رحيم(ن) حليم(ن)=كريم(ن) عظيم(ن) منيع(ن) مناعه
إلاهي ياعالي ياغاية سؤالي =عليك اتكالي وكلي قناعه
ياعالم الغيب يارازق الذيب=حرش العراقيب عقب المجاعه
عليك اعتمادي يارب العبادي=بيوم المعادي اروم الشفاعه
قلب(ن) لجالك ذليل(ن) عنالك=من الضيم جالك يناجيك راعه
حزنه عثابه يخايل سرابه=ومن زود مابه تحطّم شراعه
بكى ماتباكا كأنه يراكا=بعالي سماكا وروحه وداعه
من الحر والضر قلبه تفطّر=ودمعه تحدّر وحاله رعاعه
وحيد(ن) لجابك وقف دون بابك=يخاف ويهابك رفع لك ذراعه
يامالك الناس يامذهب الباس=عبدك به اعماس واظلم شعاعه
زماني حداني أبد ماهناني =وحظّي جزاني جحود وقطاعه
حشى مانكرتك وكل ماذكرتك =حمدت وشكرت خضوع(ن) وطاعه
ياجزل العطيه يارب البريه=حياتي شقيه خوى الوقت لاعه
يامنجي من الموت يونس من الحوت=يوم لج بالصوت والهم زاعه
مجازي هل الفيل نار(ن) وسجّيل=عبدك شكى الويل والكل باعه


4
عرضة في بقعاء :

سلام يادار اللواء=دار الشجاعة والسخاء
أرض الكرامة والوفاء=دار اللواء هي ديرتي
عمار يادار الجدود=الجود من جودك يجود
ماشفت مثلك بالوجود=بنت الصفاء هي منوتي
معذور لوصغت القصيد=وانشدت في بقعاء نشيد
تاريخها دايم تليد=هي فرحتي هي مهجتي
فيها ترعرت وربيت=ونشيت فيها وانتشيت
حبّه بقلبي ماحييت=وش لون آبنسى سلوتي
الشعر فيني يستهيض=لاشفت قوره والعريض
والدمع من عيني يفيض=بلل ذوايب غترتي
وآفز فزّة مستصيب=لاجيت قاعه والشعيب
والقين واشناق البويب=تمحى شوايب ضيقتي
عاشق سمار اجبالها=غدرانها مع جالها
نفودها وارمالها=تزهابها قصيدتي
هذي مرابيع الكرام=خوال وجداّن وعمام
اللي زبنهم مايضام=هم مسندي هم عزوتي
أهل اللواء أهل الكرم=أهل الشجاعه والشيم
تاريخهم منذ القدم=تعيش والله لابتي
بقعاء عسى بقعاء تسيل=من وبل هماّل المخيل
تزهر بساتين ونخيل=يارب تقبل دعوتي


5
عروس الشمال :

يستلج القلب لاهبّ الشمال=وينبلج صدري ليا شفت الجبل
بين أجا وسلمى مشاريف الجبال=إجتمعنا في دجى ليل(ن) هشل
ليلة(ن) ماهي مثل باق الليال=رفرف الخفاّق والكل إحتفل
ودامهم أعطوك ياشعري مجال=إنتهض مثل الأصيل إليا صهل
بسرج أمهار القوافي بإبتهال=وانظم القيفان والشعر الجزل
إيه أعرف إنّك هبالٍ في هبال=إن طغيت أنهيت كل غث وهزل
تِسكر عقول(ن) وتودعها ثكال=وكم صميّدع من تبهلالك زِِمل
إيتنّحى من تذمّه بإنعزال=ومن تبيه اتوّصله كوكب زحل
طال ليلي والعنا والشوق طال=وغير حايل ما ملأ عيني مَحل
دار حاتم طي وقروم العيال=منبع الأخيار في ذيك الُطلل
مارأت عيني مثل زينه جمال=إن رضى منّي عذولي أو زَعل
صيفها هايل ومرباعه خيال=وجوّها ياناس يفتلني فتل
وماالوم اللي تغنّابه وقال :=صوب حايل قلبي العاشق رَحل
ياسقى الله يوم غناّبه طلال=مالت اعذوق البختري والنفل
ديرة الأجواد وزحول الرجال=جودهم غيث(ن) تهامل وانهمل
ديرة أهل الطيب مافيهم جدال=طيبهم ديم(ن) على الوادي هطل
الله يغيثه من مزون الخيال=وترتع بغدرانه أجوال الحَجل
وعشت ياسعود السعد واف الخصال=يالأمير اللي على العليا نزل
كامل الأوصاف ولله الكمال=ضاري(ن) ساطي وزيزوم(ن) عدل
حنضل(ن) حلتيت بحلوق الحثال=وللهجافا فيّ وظلال وسهل
ارتقى بحايل طناطير(ن) عوال=قادها للمجد وكل سايح ذهل
يامعدّيها مراقيب(ن) طوال=ياهلال(ن) هل في حايل وحل
العرب لاشبّهت تضرب مثال=وانت ماتوفيك أمثال وجمل
السموحه دام أوجزت المقال=أشهد إن الشاعر ابوصفك بحل
قد سمعت ابمامضى حكمه تقال=خير قول المرء : ماقلَّ ودل !


6
العمر رحلة

يالله ياللي ينعش القلب ذكره = تلطف بحال اللي لك اليوم ذاكر
يامن نعمه اتزيد في حال شكره = المنعم اللي يشكره كل شاكر
عبدك من الأيام منداش فكره = همّه كبر والوقت جاحد وناكر
دنيا نجاهدها ولاهيب شكره = كلّه آسى وهموم شوك وشناكر
نضحك ولاندري وش يصير بكره = حفنة آمل نحيابها صمة باكر
في كل يوم يكشف الوقت مكره = وحنّا نأمّل به ولو كان ماكر
للروح تغريبه وللموت سكره = والعمر رحله والمنايا تذاكر


7
الأطلال :

يَامريْقـب اَلْعِـز يَامِشـرَاف جدّانـي=عَلى صفَاتك رُسوْم اَلْوَقت مَرسوْمَـه
عَلى صفَاتك عَظيْم اَلْشـوق وَداّنـي=ودّي أبيّح مِشَاعر صِـدق مَكتوْمَـه
بَعْدك عَلى وَقفتـك بـوزَان خَزّانـي=مَاغيّرَتكم ريَـاح اَلْغَـرب واسمُومَـه
أقرَاك واتمَقلك حِتّـى انـت تَقرَانـي=وانهَايتي مَعْـك يَالمِرقـاب مَحتومَـه
يَاعزوتـي يَابَعـد حَيّـي وحيَـانـي=يَاريحَة اَللي عَليهَا اَلْـرُوح مَلثومَـه
يَاريحَة اَللي تِسكّع وسْـط شِريَانـي=يَاجعلَها فِيْ تـرَاب اَلْقبـر مَرحُومَـه
هَذيْك مِنْ تَسكن بشعـريْ ووجدَانـي=يَاشيْح قَلبـي وريحَانـه وقيْصُومَـه
تَطري عَليْ كِـل مَانَاظـرت لَخْوَانـي=وَآتيه لاشفـت خَالـي لَنّهـا تُوْمَـه
آتيْه مِثْل اَلْحَيا مِـنْ وَجْـه عِثمَانـي=وَانهَار مِثْل أنوَر اَلْسَادَات فِيْ قُومَـه
وَآضيْع ضيْعَة قريْش ابشعرْ حَساّنـي=يَاضيْعَـة اَلْمِنّجـم لاكَثْـرَة انجُومَـه
اتشوّش اَلْبَرمجَه مِنْ هُـول مَاجَانـي=وَالتَغطيَة مِنْ جِهَاز اَلْبَـث مَعدُومَـه
بَعْدَه صَدى صُوتهَا مَافَاخـت آذَانـي=يقعِد جَنايز مِـنْ اَلآحـزَان مَردُومَـه
تِدْوي نُواقيـس ذِكرَاهَـا بصيوَانـي=كَأنهَـا صَوْمَعـة رُهبَـان مَلْمومَـه
واِلاّ مِتَاريْس جيْـش اَلْشَـاه بَاذَانـي=ترْجس كَراديْسَها وَالْنَـار مَشعُومَـه
يَامريقب اَلْحـزن خَاويتَـه وَخاوَانـي=هَمّه عَلى هَمّي وَهمّي عَلى همُومَـه
يَبرَالي مَايصْبـر اَلأول عَـنْ اَلثانـي=وَالكل يَلعَن ثـوىَ نِصيْبَـه ويوْمَـه
ازْريْت احطّ اَلْقِـدَم وَاشتَالهَـا ثَانـي=وَقتي حَطبنـي بمَسحَاتـه وقدّومَـه
حِتّى اَلْفَرح يَاجبَـل قَفّـى وخَلانـي=وظلّيت آخَايل غُروْب اَلْشَمْس وغيوْمَه
اعيَاني اَلْوَقـت ومنسَامَـه توَطاّنـي=وشَربت مِنْ كُوز غسْلينَه ويَحموْمَـه
استَغّفـر اَلله كَـأن اَلْوَقـت عَادَانـي=وَاِلاّ أنَا أدري صُدوف اَلْوَقت مَقسوْمَه
وسُود اَلْقلوب اتّرصد لِـي وتَشنَانـي=وتضرس عَلى لَدغتي ديبَان مَسْمُوْمَه
يُومي بَزر شَيّـدو تَابـوت جثمَانـي=وكَبدي عَلى اَلْحَنضَله وَاَلْمُرْ مَفطوْمَه
فِيْني وَرع ابنْ مَاجَه وابـنْ عَفاّنـي=وعِفة جُريْج ابنْ مَتّى مِسْبل اكمُوْمَـه
اِخرس عُقول اَلْبِشَر باعْجَاز سَحبَانـي=وفطنَة أبو جَعفر اَلْمَنصوْر واعْلوْمَـه
وابحِكمَة احْنَف ابنْ قيْس(ن) ولقمَاني=وهيبَة عُمَر لاجَهر بالديْن وعزُومَـه
هَيْهَات أنَا أجزع وربّي عَدْل رَحمَانـي=ينْجيني اَللي كِفَى ذَى اَلْنون لاهُومَـه
ينجيْني مِنْجي كِليْمَه ابـنْ عمرَانـي=مِنْ كيْد فرعُون وَالأقبَاط وخصُوْمَـه
ويَالله طلبتك وَأنا اَلْمذنب وَأنا اَلْجَانـي=اَلْمسرف اَللي تَخالط ذَنبـه وصُومَـه
اَلْمسرف اَللي قِضَى دنيَـاه طربَانـي=عَايش حَياته عَلى اَلآمَـال وحْلُومَـه
اِغفر لأمّـي عَـددْ مَاهَلّـت امْزَانـي=واعدَاد مَادَاعب اَلْنبنـوْب يَشْمُومَـه
واعدَاد مَاتلعي اَلْوَرقَـا بالآغصَانـي=واعدَاد مَاذَعْـذَع اَلْغَربـي بديْمُومَـه
واجعلّهَا قَصر يَاقـوت(ن) ومرجَانـي=وافهَق لَهَا اَلْقَبر وَأنور عَتْمَة اعسُومَه


8
قصيدة بخالي اللواء مبارك فهد الحتيرش :

مبداي باللي قدّر الكون تقدير=اللي اجتبا عبده بوسط المغاره
سبحانه اللي كوّر الشمس تكوير=امجازيٍ خلقه بجّنه وناره
ومن عقبها اسمى تحيّه وتقدير=للي شعم فوق المشاريف ناره
عاش اللواء شبل اللواء مرتع الخير=عقيد قومٍ ماانتقص حق جاره
لاهدّ بساحات الوغى كنّه الطير=تقول سيلٍ جاك من راس قاره
انت الشجاع اللي تقود الطوابير=ترسم له الخطات وتشن غاره
ياليث ياضرغام ياسالم الزير=يامحرّك افراد السرايا باشاره
جعل السعد في خطوتك وين ماتسير=يامفادي بروحه بلاده وداره
زيزوم قومٍ ماتهاب المخاطير=كم معضلة انهيتها بكل جداره
بطّاش ضاري ماتحسب المخاسير=خدمت دينك والوطن والوزاره
الشاهد الله ماحصل منك تقصير=المجد حصّلته بعزم وجساره
هذاك ابو يوسف سلايل مناعير=من لابةٍ تشذى السيوف الشواطير
سلايل احرارٍ تّعز الحياره=ضديدهم ماحصّل الاّ الخساره
اهل اللواء ريف الضعون المسايير=الضيف لاجاهم يزيد افتخاره
نجرٍ يدّنا والدلال المباهير=حيلٍ وفنجالٍ يكّثر بهاره
الحر يشهر مادرى بالعصافير=والبوم ماعمره سعى للحباره
يامبارك انته عن جميع البشر غير=ياسالب عقول الآوادم بإثاره
حرٍ حريرٍ حيّر الفكر تحيير=حارت به الاحرار والروح حاره
خصايلٍ تطرب له الروح وتثير=نجمٍ قشع سود الليالي فناره
يحميه ربي من شرور المقادير=ويبقى على العليا يرفرف شعاره
وصلاة ربي عدّ ماانبت الحير=على اللي بالدعوة تجلّى نهاره


9
قصيدة أخرى بخالي اللواء مبارك فهد الحتيرش
بمناسبة ترقية لرتبة لواء ركن :

بسم من أنزل تبارك والزمر=منزل السبع المثاني والقصص
وبعد هذا شاعر(ن) ينحت صخر=جاء يقرطس له من القيفان نص
اسمحو له يكتب ابخاله شعر=دام شيطان القصايد له رقص
يمدح الطيّب وينظم به درر=عقد لولو من يواقيته يرص
يمدح مبارك ويشعمها شرر=ينتهزها دامه الدعوى فرص
البلا كل ماتمثّل في شطر=يشطبه ويحس به ضعف ونقص
لنّه أكبر من تماثيل وعبر=لنّه الحاله اساطير وقصص
مملكة من جود وأمجاد وفخر=دولة(ن) للطيْب حاكمها حرص
وش يوّصف وش يخلّي يابشر=شخص يسواله ثمان امية شخص
كل شعر(ن) دون طولاته قصر=والله ان الشعر من هوله يغص
داهية صمصام خلجان وبحر=يبحل الغواّص من جني الحصص
صيرمي(ن) من صفاء بقعاء شهر=مثل من فكّو سبوقه للقنص
كل شخصية يلخصها سطر=لكن مبارك يخصص له حصص
قايد القوات رقاّه وأمر=يبقى عنده بالوزارة خص نص
جابه الطلحاب من أقصى شبر=خابره يوفي إذا الوقت انتكص
الكتايب قادها يوم النصر=واشترك بالحرب والخاين ملص
عسكري(ن) عبقري(ن) مقتدر=كم عقيد(ن) من تبهلاله شخص
من عظم شانه وقو باسه كسر=الفيالق واحتبسها في قفص
ومن بطولاته ووقفاته كبر=مارخص يوم أكثر العالم رخص
ياللواء يبن اللواء جعلك ذخر=قدرك بصدر البناخي مانقص
العساكر في نجومه تفتخر=وانت تفخربك نجومك والمقص


10
فخر :

ماهو تعصّب أو جهالة وراعين=يوم آتنومس وافتخر ياشبابه
ابفتخر مادام ربعي على الدين=ومادمت ذيب(ن) والجماعه ذيابه
ابسرج خيول الشعر بالميادين=مادمت آمثّل لابتي بالنيابه
إن كانها بالطيب عندي براهين=فعايل(ن) ماهي هروج وكتابه
قصر الحصن يشهد لنا قبل والحين=ماكر هل الفزعات كل(ن) لجابه
تسعين ليله وآل مرشد مقيمين=مامنهم اللي شاف منّا عيابه
ياما رعت ذيدانهم خايع(ن) زين=ميرادها عدن(ن) قراح(ن) شرابه
في قصرة اللي خطّو اسمه بقوسين=بريك مشرّع للمسايير بابه
وإن كانها بالشعر عندي شياطين=رمد(ن) تزاوغني خضوع ومهابه
قبايل(ن) تحدّرو لي من القين=عجوزهم عميا عليها عصابه
وان كانها بالفخر نعم(ن) ونعمين=معرّب الجدين عز ونجابه
الجد أخو عفراء زعيم الميامين=اندى من الشهلول وبل السحابه
راع القصر راع النخل والبساتين=مضيّف الخطاّر مصخي زهابه
اللي يهلّي بالضعوف المساكين=فاخر به الهربيد وكل(ن) حكابه
اللي ذبح ذبّاح أبوه وقضى الدين=وخضّب هكالصنديد شذرة نصابه
واخوه من داس الخطر والثعابين=خميس لامن الزمن عض نابه
حامي حمى الوندات سقم المعادين=الفارس الخضاع متعب ركابه
وجدّي من أمي سعد زبن المخلين=ابن الحتيرش مايزعزع جنابه
اللي ينام وليل شانيه ليلين=مزبان ابن مرداس يوم الحرابه
هذا وأنا من دار قوم(ن) عزيزين=بقعاء صفاة العز والعز ربا به
سواعد(ن) بديار طي(ن) قديمين=جينا بعد دور النبي والصحابه
وداعتك يالنود ودّي سلامين=لعمي خلف وحمود وباقي القرابه
ومرّي على الجرباء ومرّي على العين=ومرّي على اللويمي وعالي هضابه
ومرّي على قصور وحيور الكريمين=حي(ن) عبيد النهيت ياما مشابه
آل العبيد أهل الزعامه من سنين=الورع منهم عن ثمانين لابه
ألاد حرب(ن) من سلالة سلاطين=نعم العمد ذروة سلايل عتابه
عسرين بالشدات يسرين باللين=حمولة(ن) كل(ن) يحسِّب حسابه
وإلاّ البقية كفو ناس(ن) حشيمين=شمالها واللي ورى حد طابه
واختامها رب السماوات يامعين=تنجيني من حر اللهيب وعذابه


11
مجاراتي لعملاقين من هوازن :

يقول الي جفاه النوم واعي=غشاه الليل مفرود الذراعي
سلايل ساعدة ذروة هوازن=معشّية الضواري والسباعي
أدوّه بالخلا لديار ربعي=صفاة يحدها طعس(ن) وقاعي
آجيب البيت تلو البيت وانحت=على الصفيان ماخطّه يراعي
تحن العيس من قولي وتسجع=وتلعي الراعبيّة لستماعي
اجاري بريك بيطار القصايد=وابن مقرّب حمود الشجاعي
قصايدهم يشوش الراس منها=أهل قصور وحصون وقلاعي
لقيت الشعر من غابوا بحادر=وغاب الشعر والموروث ضاعي
آخايل دنيتي وآمد شوفي=واسوق الرجل بفجوج(ن) وساعي
وانا مااتبع هوى من لا هواني=ولا ادهل مجلس(ن) من غير داعي
عزيز(ن) من شغاميم(ن) عزيزة=رفيع(ن) من مواكير(ن) رفاعي
وأنا ماعطي العطيه ثم أمنّه=ولا أجزي السرسري صاع(ن) بصاعي
نجوس(ن) بالخفى دوم اتحكيبي=سرابيت(ن) تبي تطفي شعاعي
لا من غبت قالوا بي وقالوا=وليث الغاب ماهاب الضباعي
اخصر الحاقد النماّم وآطى=على روس العقارب والأفاعي
وأنا ماخون عهد الله لله=عفيف النفس مسموع(ن) مطاعي
على الجيران محمود السجايا=اداريهم وهذا من طباعي
دخيلي في أمان الله يبقى=عظيم الشان ممنوع(ن) مناعي
عدوي هو عدوي لو شناني=فلا ابخسه لو حاول نزاعي
وزماني لو جفاني وامتحنّي=مدايده القديمه لي متاعي
وأنا ماناصح اللي ماشكالي=دني النفس ودّه بانخضاعي
وأنا ماصدّق العياّل حتى=لو يسعالي في شتّى المساعي
أحدّه وادحمه عنّي واردّه=ولا اسمح للحرايب باندلاعي
وأنا مجزع ليامن شفت كربة=مصير الضيق يقفاه اتساعي
تماكن يافتى زهرة شبابك=وحاذر دنيتك كلّه متاعي
وسارع بالثلاث قبل الثلاث=قبل الموت ينزعك انتزاعي
ولو تعطى عمر نوح وشعيب=حبل العمر اتلاه انقطاعي
ولكل غربه ولوطالت نهاية=ومصير الحي بالحي اجتماعي


12
مجاراة لقصيدة جدي الحميدي
كتبها جدي عندما كسرت ساقه في حائل بسبب لوري
تدحدر عليه وكان وقتها طاعن في السن
فاضطر أن يتطبب عند ولد عمه في حائل وكان مشغول على ابنته
في بقعاء والذي شبهها بالبكرة !
يقول جدي رحمة الله عليه :

لاواهني من وقف ويشوف=من فوق رجليه شالنّه
وارقب على النابي الهفهوف=وعيونه للشوف شاحنّه
مبكي على الضامر السرجوف=والبيض مالي بهن لنّه
ياويل من علّته بالجوف=لي بكرةٍ خابره حنّه

وبعد حقبة من الزمن ..!!
مررت على قبره وتذكرت قصيدته
فرحت أحدثه عن أحوال الدنيا اليوم وكيف تغيّر الوقت ..!!
قلت :

يابوخلف ماتجي وتشوف=اللي ظروفه تحدنّه
ياراعي الطيب والمعروف=ياخالط الهيل مع بنّه
يافزعة الضامي الملهوف=ياشوق من تنقش الحنّه
اللي تنومس بك المحيوف=يوم الصواديف لدنّه
الحيل قلّطتها لضيوف=يوم الردي ماضحك سنّه
من هيبتك ماتعرف الخوف=ياعل مثواك للجنّه
يامير ماشكي هوى واطيوف=والغيد مابكي هواهنّه
يامير أنا خاطري مشعوف=سود الليالي تحدنّه
تغيّر الوقت جلد وصوف=حتى العرب مختلف ظنّه
الطيب جازوه سبع كفوف=والثامنه مابها منّه


13
قصيدة عقلاء مرزوق التريباني الشمري مسندها علي :

البارحه كزيّت خط ومكاتيب=فرايد(ن) طاروقها ايب وآيب
تحمل سلام لراعي الجود والطيب=للنايف الحاضر ولوكان غايب
للنادر اللي مسكنه بالشناخيب=يفرد جناح العز وسط الهبايب
يمنى يمدّه دايم اتصيب ماتخيب=من لابة(ن) ماهي عليهم غرايب
على صحاصيح الخلا ذيب ويليب=يفزع ولو كانت عليه الضرايب
خوة عتيبي مابها اي تجريب=اهل السطر على المهار النجايب
مهما الزمن يخفيك ياراعي الطيب=يبقى شذى طيبك على النفس طايب
في كل يوم(ن) تشرق الشمس وتغيب=تبقى رفيق الروح لوكنت غايب
مايلحقن في صاحبي شك(ن) أو ريب=إن صارت الهيجاء وصارت حرايب
لي بالشدايد ياجماعه مقاضيب=انخا عتيبه بالقسا والمصايب
عقب الكدر تركد وتصفي المشاريب=التضحيه مايشترونه وهايب
وختامها ياهل الوفا والمواجيب=يخشرك ربي بالدعا والطلايب


14
ردي على الشاعر عقلاء التريباني :

سلام(ن) احلا من لبن شمّخ النيب=للشمري عقلا عريب النسايب
راعي قفار امكمل العقل ومنيب=من لابة(ن) يوم الملاقا نوايب
راع القنص راع البواريد والجيب=ياعنك ياهو شيب من ظهر شايب
كم ليلة(ن) واياه دجنا الجراجيب=وقطعت أنا واياه دو وشعايب
ياما قنصنا بالسهل والدباديب=يوم الخرينق دون ضرغط لعايب
اليا طلبنا الصيد عطب المضاريب=واليا خبطنا كاسبين الجلايب
وياما تجاذبنا القصايد تجاذيب=وياما سمرنا بالغداري صحايب
قدوعنا من تمر بقعاء مذانيب=وزهابنا مع فجّة النور طايب
وبرية(ن) تطبخ بنار ولواهيب=تشذى خضاب اللي تكد الذوايب
عز الله إن الشمري بالسفر شيب=حطّه على يمناك لاصرت هايب
والذيب لامنّه عوى جاوبه ذيب=واليا وحيت الصوت شد العصايب
أبشر بعزّك ياحصان الاطاليب=وحنّا نحل امحملكات اللوايب
إن كانها بالطيب قحص(ن) مناجيب=وإن كانها بالحرب جينا كتايب
يستاهل اللايوث ليث المراقيب=لو راحت الأرواح دونه ذهايب
شمّر خوال ابريك راع المواجيب=اللي يهلّي بالضعن والركايب
ليت الأناثي لنجبت مثله اتجيب=والاّ عسى تركا عليها النصايب


15
البر :

البر احبه واعشقه وآتمناه=فتق(ن) بوسط القلب مغرم وهاوي
ياما على الددسن قطعنا شغاياه=منتوجة اليابان وارد عراوي
والاّ على جيب(ن) فريده مزاياه=كل مانخيته صال مثل العطاوي
ابعد به هموم(ن) على القلب مركاه=اقطع به عروق النوازي خلاوي
ابعد عن اللي خافقي دوم يشناه=وعن مجلس الحقران واهل الشناوي
البر فيه الصيد والقنص مخباه=البر عندي من كبار المناوي
شوفة هل الذيدان والبل والشاه=بين الحزوم السمر خلف الشواوي
ومشاهد مزون(ن) من الغرب منشاه=غرب(ن) يجاذبها وشرق(ن) يلاوي
ومهاوز أجوال ابرق الريش مشهاه=تجلي عن القلب المشقى بلاوي
مع قطعة عيال(ن) على الدين ممشاه=كل(ن) على الثاني رفيق(ن) فداوي
هذا يشب النار والثاني احذاه=كسّر جراميز الحطب له رهاوي
والثالث دلاله على النار مركاه=فوّح معاميله على جمر ضاوي
والرابع اللي جاب كبش(ن) وذكّاه=ودّه يسوّي للجماعه مشاوي
والخامس اللي ماتونّا مطاياه=لامن دعيته فز مثل النداوي
ولامن غشانا الليل وارخى سجاياه=تلقى الشعر مابين شاعر وراوي
وسوالف(ن) فيها العبر والمعاناه=وذيب الخلا فوق المراقيب عاوي
في خايع(ن) صفر النواوير تزهاه=اخير من جلسة بيوت وقهاوي
البر احبه واعشقه وآتمناه=حبه منزّل في خفوقي سماوي


16
البل :

دامي لا نوْوَخت فحل الشعر نوّخ وناخ=نِخ ياشعري لعنبو حيِّ من نوْوَخك نِخ
أعرفك يابعد منّهو تنوّخ واستناخ=شوشلي(ن) كل ماقلت تكفى تنطنخ
وحدك اللي تحدث ابساحة الشعر إنشراخ=ومن توحّالك من الروعه ياشعري نفخ
جمّلاً ياشعري ببيوت(ن) اِجزال(ن) طناخ=ماسرجها بايه الفكر أو حافه دِلخ
ماجنيت إلاّ الرطب من شماريخ(ن) شماخ=يوم غيري ماجنى كود برخوص ورمخ
ماتسيّدة الشعر بالمهايط والصراخ=أو تقوْوَلته كذيه أو كذيّه أو جبخ
كنّي لاقلت الشعر كاهن(ن) يقرأ البراخ=لاتلى الطلسام يوحيه من بذنه صمخ
وبعدها ياراكب اللي يبوج أرض الدخاخ=الأمون اللي يدك الزراج اليا كفخ
رِخّ(ن) أسحم مدلهم بالفضاء يطرد جخاخ=كن صفيح الصلد من شوط مركاضه طبخ
والوبر اليا انزعج بالهوى ريش الفراخ=اسمحن هميلعن فوقه الراكب شمخ
منوة اللي دون ربعه تضاريس وصباخ=لاغثيث ولارثيث(ن) حثيث اليا انطرخ
مدحي الفخذين عاد والعضود ابها انتفاخ=مقفّى خفرة(ن) شحمها تضمّخها ضمخ
كنّه دلو(ن) وانطرخ من شفا البير انطراخ=حر(ن) صعاطير جنّه زعانيف(ن) تبخ
ولاوصلت اللي لهم كايد الدعوى تناخ=مفاليح(ن) زحازيح(ن) ذوابيح(ن) إلخ
سلّم على عتيبه ربعي هل العيس الضماخ=مسطّرين الحيل يوم الردي يذبح كمخ
مدلّهين البل ما نوْوَخوها بالمناخ=أو غذوها جرصف(ن) أو جراجيب الصبخ
هم هل البل والعلوم الطناطير البذاخ=كم رعت ذيدانهم ماتِحاف ولاتِنَخ
وكم عقيد(ن) من ملاقاتهم شيّب وشاخ=ابطخوبه يوم عج الرمك ربعي بطخ
من يبا يحصي بطولاتهم آزرى وداخ=ومن يجاري فعلهم بوّل الطرقه كلخ
ماتقولة الشعر وانتسختها انتساخ=مير أنا ابسط شاعر(ن) بالقبيله وانطنخ


17
ياطير :

ياطير ياللي بعالي الجو حوّام=لاواهنيّك لاتضايقت مدّيت
تترك هباط الارض لاصرت منضام=فوق العوالي يالقطامي تعلّيت
منّـته بمثلي عايش ٍ بين الاوهام=أسباب ماشافت عيوني ومااوحيت
المجلس اللي يدهله كل نمّام=ينعاف دامنّه شماته وتنكيت
هيس ٍ تبلّد حسّه اليوم مايلام=الوم ناس ٍ أصبح احساسها ميت
وقت ٍ تعلّى في مراقيبه أقزام=يرفع سرابيتٍ ويدفن عناتيت
دنياي عارضها على كل سوّام=يوم ٍ غيري في تبهلالها ميت
دنياي مادامت لحافظ وصدام=ولادامت لزيد الهلالي ولابخيت
الناصح اللي عن زغاريفها صام=وطلب رضى ربه وخلّى الفتافيت


18
توبة الساحر :

يقول من زجّ القلم بالقراطيس=اللي وهج طرسه جلا كل الأعماس
اليا نبع ينبوع نبعه على اِيس=يشوش من وحي القلم كل قرناس
البارحه نومي هجوس وكوابيس=ويالله دخيلك ماتهّنيت بنعاس
اشكي همومي وآتعوّذ من بليس=واستغفر الرحمن وآقول لاباس
اسهر وكنّي في دجى الليل قسّيس=راهب يسامر شمعدانه والأجراس
بحنكة ( سُطيح ) وحرفنّة أُمرؤ القيس=وبحكّمة آصف وابتهالات قداّس
ذكي وحطّم عالم الجبر طاليس=كنّس عرنّدس زبرقانٍ ونبراس
بزاجي غنج قارون والحاكم لويس=شعري كما نارٍ على راس مرواس
أنا الذي صفّق لشعري أدونيس=واحتار فيني كل شاعر ودرّاس
مرجت نيّرج مارد الشعر هابيس=تقول ساحر من مراكش ومن فاس
صممّ يقضّي العمر خلف الكواليس=دام الضغينه أعمت قلوب الأنجاس
اكتم عباير في ضميري محابيس=ماشفت من دنيا الفلس غير الأتعاس
وكان الوضع يبقى أجل وين رمسيس=مافاده لوطوّق حصونه بحراّس
ووين كسرى انو شروان راع المحابيس=اللي بنا قصور الزمرد والالماس
ووين حمّير و تدّمر و طسّمه مع جديس=اللي خذت زرقا اليمامه معه داس
الناصح اللي يقدّر الوضع ويقيس=ولايامن الأيام لودامت أعراس
لولا الحريري ماعرفناك يا مليس=ولولا بـروق الوسم ماشفت عساّس
تشوم نفسي عن خطاة المجاليس=المجلس اللي يدهله كل بلاّس
وعمرالفتى لاصار مابه نواميس=موته ولاعمرٍ يقّضيه بفلاس
يالله يارحمن يارافع ادريس=يامنجيٍ ذا النون من حوت غطاّس
يامسخرٍ برديس من عرش بلقيس=يامن شفيت أيوب يامذهب الباس
يامودع نجوم الليالي فوانيس=يافالق الأصباح يامالك الناس
اغفر ذنوبٍ عدّ رمل الطعاميس=وانت اللي عفوك ماله حدود وقياس
وارجوك لاتجعل حياتي مفاليس=وآعوذبك من شر وسواّس خناّس


19
الفكس آر :

راكب اللي ماعليه امن الغراز=ولاتجاريه الكدالك والبنوز
لاتجرّهد مع صحاصيح وعزاز=مثل ( اِبن غانم ) اليا صمّم يهوز
أقصد ( الفكس آر ) مصقول القزاز=عن غرامه خافقي عيا يجوز
صيرميٍ أفحج الرجلين باز=أقطمٍ كاسر على النازي ينوز
ضغط عداّده يجي فيه إهتزاز=لاشخله اللي على البيدا يروز
إيتغنّج يوم يمشي بإعتزاز=كنّه اللي من كثر غنجه تبوز
من جماله ماملا عينه جَهاز=الطموح اللي بها عند ونشوز
يوم يقبل قايدٍ بالكون فاز=ويوم يقفي مابقى بمخي فيوز
َرزّه وعِزّه وفَزّه مايلاز=للعوايز كل ماعزته يعوز
هيكل التمثال مركوز إرتكاز=كنّه ازمام العروسه دختانوز
ول يافص(ن) على المجمول لاز=الخوندات اللي برموشه لغوز
والمراوح لستدارت بإحتراز=تلّطف أجواء المحرّك والقزوز
لون زيكه بالغداري سمط ماز=إيتخثّع كنّه مهيرة دروز
دام ياياته على أحدث طراز=ماعليه اِمن المطبّه والمروز
شدّه المذهوب وابدع بإمتياز=لوضرب مطناج لايمكن يبوز
لعنبو من ختّم أوراق الجواز=وجابه اِمن ( العين ) مفرود الطروز
كشنه امن الريش والجاعد شيراز=مخدع لحاكم ( إرم ) ذات الكنوز
أطخمٍ يرقى طناطير النواز=كنّه اِبجن إبن داوود إمحروز
لاتغطّلس ليله بشمعات غاز=يبلج الحندس تقل شعلة كروز
القوافي والبلاغة والمجاز=حارو ابوصفه وتفكيك الرموز
بعد هذا يانديبي بإنتهاز=إركب اللي بالهدد دايم يفوز
ثم تنصّى للعزيز إبن العزاز=وطمّن ( النايف ) قبل روحه تهوز


20
الفورد :

راكب اللي يقطع الخط الطويـل=ينفرش بالقاع لاسـار بعجـل
تسمع لصوته كما صوت العليل=يوم يقنب مثل سرحان الجبـل
يسحب الونات من هم ٍ ثقيـل=والبلى يـزداد لاطـاح الجمـل
البساتم صوتها مثل الصهيـل=ينتفض قلب المشقـى لشتغـل
لانخيته ينتهض مثل الاصيـل=وسط ميدان المهالك قـد نـزل
صانعه حشّاش امثالـه قليـل=من بلاد الغرب لبرالي اصـل
طايح ٍ زقمه مثل خشم الفصيل=ناعس الجفنين كن فيهن خجل
يوم يقفي كنّـه مقّفـى هبيـل=مكبّرين ٍ دّبتـه لجـل الحمـل
والرفارف تزهى بالبدي الجميل=كامل ٍ زينـه تكامـل واكتمـل
قانيه شغموم مسراتـه بليـل=لويطول الدرب عمـره ماسـأل
أشهد إن الفرت ماجاله مثيـل=راكبه مرتـاح ماجـاه الملـل
والجنوط اعراض لايمكن تميل=مع تساهيل الولي مابـه خلـل
الفروت فروت لوسّبـه بخيـل=يجمع رياله ويصـرف بالهلـل
من خبر فعله مادّور به بديـل=خابره شغمـوم لاهّـده وصـل
زين زوله لامسك خطٍ طويـل=من عطاه الـدّي سّواقـه قبـل
والغماره تكّفي للسته وتشيـل=ولو يجي سابع يبا يلقى محـل
ولا وصلت الذيب زّبان الدخيل =نسل خضّاع الفيافـي بالمحـل
قل لبو ناصر ماعاد بالحال حيل=انتهى صبري وقلبـي اشتعـل
طالت المدّه وانا حظـي رزيـل=لانخيته فزعـة ٍ صـد ورحـل
واهني منهو سرابه تالي ليـل=ولاتعّدى من ورى الازرق شخل
ياصل بلاد ٍ بها اشجار ونخيل=وتنّبت ازهار السفرجل والنفـل
ويتهنّا بشوف نقّـال الجديـل=لاتثنّـت لعنبوهـا فـي مهـل
انصح الطرقي ولا ودّي إطيـل=يزهم ابن حسين ويشريه بعجل


21
على مائدة صهيائيل ومهيائيل الخطاّف :

البارحة صارت همومي كراديس=ياكنّها بين المحاني نواديس
واشعمت من زيت الأفاعي فوانيس=وقرطستها بالطرس بيتٍ ورى بيت
اقرّطس الأبيات زاجٍ ورى زاج=كله سبايب هاجسٍ يخلج اخلاج
في وادي ٍماطبّه احدٍ ولاداج=لولا ولي العرش كان استجنيت
شعري كما الجرم السماوي تقسطل=يختل من يوحي حروفي ويسطل
رذاذه الخلاّب كنّه نفس طل=يبحر بك لدنيا القصص والحواديت
في شعري زلزلت البروج الثماني=واخمدت نار السادن الموبذاني
تذن ملوك الجن في وسط آذاني=تحوفني مابين مارد وعفريت
شيّدت من شعري قصور الزبرجد=جوسق من خيوط الدمقس المعسجد
وارث كنوز الشعر عن أبٍ وجد=وهدّيت أوثانٍ شيّدوها سرابيت
ينصت لقولي كل أديبٍ ويصغي=إبداع شعري من عذوقي ونصغي
إليا حويت الكاغد بعظم رصغي=يحتار لافظ إبن لاحظ وحبريت
جاريت بحروفي عزيف البلابل=وترقص على طرسي عفاريت بابل
من بهرج احروفي تمايل سنابل=ميلة غجر حزّة سحر بالحوانيت
مابال أقوامٍ تمنىّ فنائي=اسعى لإرضاها وترجوا عنائي
لو أنكر المأمون فضل الكسائي=الحر مايصغي لهرج الكتاكيت
رمدٍ تزاوغني بحمر النواظر=سحم النواصي والصور والمناظر
مالوم لوترثي حياتي تماظر=اللي مثل حالي حياته تناهيت
يالله طلبتك يامدمدم هل الفيل=ياداحر الأشرم بطير(ن) أبابيل
إفرج لمضهودٍ حياته بهاذيل=وقته نقع له كاس حنضل وحلتيت
يامنجيٍ ذى النون من غبّة النون=ياباعث الإسباط وموسى وهارون
يامنزل الفرقان وإمنزّلٍ نون=إنت الرجاء يامسندي لاترجيت
تحقرّص الحاقد ومني تبقرص=كنّه من الفعفاع أبو ناب يقرص
يقوم ويقعد كن غاشيه نقرص=أنا اللي شتت الصعاليك تشتيت
الحظ قاطع درب مثل النميري=ياماخلط لي سمّها بالعبيري
واصبحت من كثر التجارب خبيري=يخلط لي الذرنوح في كوز شربيت
ياويل حالي من طعون الآقارب=تجريحهم عكّر علي المشارب
ظلم الآقارب مثل سم العقارب=عانيت من قسوة زماني وملّيت
العاذل الآفاك للقلب علّه=من زود جوره زوّد الطين بلّه
مايهتني كنّه على فوح ملّه=حتى يشتت لي مرامي تشاتيت
قلبي من فراق الحبيبه تأذّى=كنّه بالامواس الشطيرة يهذّى
من دمّه الحظ الطفيلي تغذّى=من عقبها لاني بحيٍ ولاميت
كن قلبي يلذع لاذكرته بكهرب=كن تلدغة بين المحاديب عقرب
حتى أصبحت روحي من الموت أقرب=صوب النعش سارت حياتي ترانزيت
أنا جريح الجادل العيطل الترف=حالف ماخط من قبل ماشوفها حرف
من يوم ماقّفت ولابان له إرف=نوم الكرى من موق عيني شفاليت
من زمهرير البرد عظمي تحّقف=كن الحشا معبد بطارق واسقف
عزّين لوقلبي بعدها توّقف=قبلي آباد الحب روميو وجوليت
سلام ياعذب اللمى والمحيّا=كوكب زحل يشحذك نورٍ وضيّا
أبك السعيد اللي بظلّك تفيّا=أمّه دعت له يوم طافت على البيت
تعالوا وقوّني من الموت لاموت=في عينها خايلت قبرٍ وتابوت
وفي رمشها طلسام هاروت وماروت=عانوا ضحايا رمشها بالتوابيت
من الورع أبي لي طاس ومنسف وأبي درع=من قبل يصرعني شبيه المها صرع
هافي حشا والخوخ مايل على فرع=نواّرتينه زاميات(ن) منابيت
أخ ياحمد لو الله يسّخر الرخ=واصل به اللي أوقعٍ داخل الفخ
أفخت روحي من تجافيه والمخ=ماانساه والله ياحمد لو تناسيت
ابشتكي لك ياعميلي همومي=لنّك نديمي ياسليل القرومي
لايابعد هيسٍ ربّوة رخومي=كل همّه الموضة ولبس الإتيكيت
كلّه سبايب ياحمد لابس الجوخ=أنعم من الديباج واطرى من الخوخ
لاناسخينه لا ولاهو بمنسوخ=مستفردٍ بالزين منه إستخفيت
عليه وجدي ياحمد وإشتياقي=له إنقباضي ياحمد وإنفهاقي
منه إنشراحي ياحمد وإنطلاقي=لولاه ماجبت البوادي وعسيّت
قلبي عقب فرقاه نازف ومرثوم=أكثر منامي يافتى الجود جاثوم
اهرف هريف التغلبي ابن كلثوم=عنتيت من نقوة ليوثٍ عناتيت
كما الجمل مايلتفت للبراغيث=دحرتهم مثل مهاليل إبن شيث
إمصّفد اشباح الفلاة المغاثيث=اللي بنا اسوار بابل وتكريت
واختامها صلّوا على ليّن العرك=منجي شرور الناس من أسفل الدرك
اللي محى من طلعته غيهب الشرك=محمد اللي نور خدّه كما الليت


22
الكهنوت النصراني :

تزعزع خاطري واهتز ونز وفز من صوره=حشى ماكنّها إلاّ بوتقة كهنوت نصراني
عجزت اوصف تعابيري ونفسي حيل مسحوره=هفيت اشوي لكنّي ذكرت الرب وانجاني
اموت ابرمشه الخدري وخدّن يجهرك نوره=عرج في نوره الخرتيت ثمان أحقاب وازماني
كأنه شعلة(ن) من زيت ضوت في راس تنوّره=يخايل نوره الساري وهو من دون ظهراني
طبع بعيونها البحاّر وضاع ابغبة ابحوره=تتيه أقطاب بوصلته بلجّة ذيك الأعياني
وعكش أهدابها شعب(ن) وقف يعلن عن الثوره=ذليل(ن) جايع(ن) بائس يذوق الويل بلواني
وقف يلعن ثوى الطاغي ويكشف للعرب جوره=قناصيعه على امتونه وآقول الله لايبلاني
وردفه شط مفرود(ن) غذوه الشيح وازهوره=أروح اليا تقفّته الهبايب في خبر كاني
ونواويره طعاميس(ن) من الهماّل ممطوره=تزم الكنزه اللي كلّها مخمل وكتاّني
وفي جيده منارة راهب(ن) من عاج مسجوره=تغبطه الف عفراء من بنات الأنس والجاني
ترى ماضيّع النقفور إلاّ غنج نقفوره=ولاضيّع بني ساسان إلاّ بنت شرواني
وإذا الذئبي سطيح يموت في شرسوف سنيوره=أجل وش محرق(ن) رز النميري وابن قازاني
وآلا ياعاذلي وش لك بشحرور(ن) وشحروره=وإذا وضعي كذا يزعلك أبيك اتكون زعلاني
أنا ماجيت أشيرك واستشيرك في هوى حوره=على هامان يافرعون على جنكيز ياخاني
أرد الشور لهل الشور وإلاّ الخبل ماشوره=أديّن دين وأوفي دين ولا ابخس حق ديّاني
أصلي فرض واستر عرض ولا اكشف سر مستوره=اضيّف ضيف واشهر سيف واكعم حيف عدواني
ملاذي بين نار وغار كتاب ومصحف وسوره=اعبد الله واخاف الله ولا اعبد واحدٍ ثاني
وانا ماقول صلى الله على الحاخام واجعوره=ولاأقبل كلام البطرق المزعوم وسستاني
تسلطنة الشعر فترة ولكن للشعر دوره=سرجت اخيوله الصفراء ملكته لكن أعياني
لبست الجوخ وسط الكوخ وجن مردوخ مذعوره=كفخت ابرخ يهيل المخ ينفخ نفخ شيطاني
عظيم الراس قوي الباس كبر الفاس منقوره=جناحاته شراع الجيلبوت ابذيل ثعباني
وطويت الجرد بقيظ وبرد ودهم المرد مدحوره=ولبست التاج والديباج والحجّاج نقّاني
اسلّي خاطري واسلا ونفسي حيل مقهوره=أجامل ناسي وربعي ولا أكشف خافي أحزاني
وصلى الله وصلى الله عدد ماطارت اطيوره=على الحاشر على الناشر ولد هاشم وعدناني


23
رمادة المنفى :

وَلجْتُ عَلىَ دَيْر(ن) بِقَفر(ن) عَانيَـه=أجوْبُ سَباسيْـب اَلْوَغـى طَنيَانيَـه
قَرَعتُ بِمِشْعَابـي جَلاميْـد اَلْحَجَـر= فَحَضّر مِنْ قَـرْع اَلْحَجَـر شَيْطَانيَـه
تُوَشْوِش رَهْط اَلْجِنِّ فِيْ أذْنـي فَـلا= نَامَت عُيون(ن) فِيْ اَلْخَفَـا تَشْنَانيَـه
أنَـا اَلْـذي عَضّتـه أنيَـاب اَلْقَـدَر=تُسْقِيْـه زِرْنيْـخ اَلْسَنَـا فِـيْ آنيَـه
فَسُبْحَان مَنْ رَفَع اَلْيَسـوْعَ بِرَحْمَتـه=وَالحَـمْـدُ لله اَلْــذي أنْجَـانـيَـه
عَلـىَ اَلله رَبّـي قَـدْ تَوكّلـت فَلَـم=أنْحَـر لِغَيْـر اَلله قَــطْ قُرْبَانـيَـه
غَمَامَـة وَاد اَلْتِيـه أعْيَـت نَاظـري=كَأنَهَـا أسْـرَاب(ن) مِـنْ اَلْغِرْبَانيَـه
فَتُهْت بِوَاد اَلْسَبْـت أيّـام(ن) ثَمَـان=كَمَا بَات ذُو اَلْقَرنَيْـن فِيْـهِ ثَمَانيَـه
تُثيْـر رِيَاحَـهُ بِالفَـلاةِ رُسُـومَـهُ=حَتّـى تَـوارَت بِالمَـدَىَ كُثْبَانـيَـه
غَبيْطُ(ن) شَطيْطُ(ن) مَنْ يَدوس بَرَاحَهُ=قَطَعْتَه مِنْ هَـول اَلْشَقَـاء ضَمْآنيَـه
بِه اَلْذِئْبُ يَعْـوي كَالجَـزور اَلْمُفْـرَدِ=وَالبُـومُ فِـيْ دَيَاجيْـرِهِ يَنْعَانـيَـه
عُقنّقُـل بَطْحَائِـه تَسرّبَـل بِالْرَمَـاد=كَأنّهُ يُسْقَـى مِـنْ حَميْـم(ن) آنيَـه
ثَجيْجُ(ن) عَجيْج اَلْريْحِ فِيْهِ لَهُ صَفيْر=كَبوْق اَلْمَلك جَالوْت فِـيْ اَلْمَيدَانيَـه
وَطِلْسَام حَتْفي فِيْ سَقيْفَة مَعْبَـد(ن)=تَلتهُ عَجَوز(ن) مِـنْ ظِفَـارِ عُمَانيَـه
تَنْفُـث أبْخـرَة اَلْسَيَانيْـد اَلْـذَحَـاح=تَـدق بِهَاوِنَهَـا عِظَـام(ن) فَانيَـه
أبْصَرتُ فِيْ تَجَاعيْد جِفْنَيّهَـا اَلآسَـى=بُخوْرَهَا حِلْتيْت(ن) دُحـي رَيْحَانيَـه
وَفِيْ مَقْرَن اَلْحِجّانِ مَرْسُوْم(ن) لَهَـا= نَجْمَـة أسْبَـاط اَلْيَهـوْد اَلْجَانـيَـه
تَزفّ لِـيَ اَلْبُشـرَى بِفَقْـدِ يَتيْمَتـي= تَاللهِ مَـا أضْنَاهَـا مَـا أضْنَانـيَـه
وَأدُو يَتيْمَتـي تَحْـتَ بُرْقَـة ثَهْمَـدِ=فَـرَاب ضَريْحُهَـا بِالْدِمَـاء اَلْقَانيَـه
وَإنّي لَمنْ قَـوْم(ن) إذَا جَـدّ جَدّهَـم=تَهُبّ لَهُـم رِيْـح اَلْخَجـوْجِ يَمَانيَـه
مِنْ سَاعِدَة طَلحَـاء عُتيّبَـة مَنْبَعـي=سَليْـل هَـوَازِن مُعْتَلـىَ عَدْنَانـيَـه
أنَا اَلْنَايف اَلْوَارث مَفَاريْـد اَلْقَـلاص=اللُّـب قَوْلـي وَالشِعـر دِيْوَانـيَـه
أَلَسْتُ أنَا اَلْجِحْجَـاح كُـوْلاج اَلْحَجَـا=اَلْسِحْرُ فِيْ شِعْـري وَفِـيْ قِيفَانيَـه
ألَسْتُ أنَا اَلْعَبـد اَلْـذي تَرْنُـوا لَـهُ=أحْبَـار عَبْـد اَلْنَـار وَالرُهْبَانـيَـه
ألَسْتُ أنَا اَلْعَبـد اَلْـذي تَرْنُـوا لَـهُ=مُلـوْك بَنـي دَهْمَـان وَالْقِيْعانـيَـه
ألَسْتُ أنَا اَلْعَبـد اَلْـذي تَرْنُـوا لَـهُ= أُسْد اَلْشَرَى كُلْ مَا ارْتَجس إيْوَانيَـه
ألَسْتُ أنَا اَلْعَبـد اَلْـذي تَرْنُـوا لَـهُ=بَطارق أُسْقف مِـنْ بَنـي خَيبَانيَـه
ألَسْتُ أنَا اَلْعَبـد اَلْـذي تَرْنُـوا لَـهُ = مُسْتَسْحِبَـات اَلْريْـط وَالأخْدَانـيَـه
ألَسْتُ أنَا اَلْعَبـد اَلْـذي تَرْنُـوا لَـهُ=مُسْتَجْـزِرَات اَلْطَـيْـر وَالْكُهّانـيَـه
ألَسْتُ أنَا اَلْعَبـد اَلْـذي تَرْنُـوا لَـهُ=أثْـلاث أبْـرَاج(ن) كَمَـا اَلتيْجَانيَـه
ألَسْتُ أنَا اَلْعَبـد اَلْـذي تَرْنُـوا لَـهُ =فَيَالق شَرْشَـق وَالصَلاطـم حَانيَـه
ألَسْتُ أنَا اَلْعَبـد اَلْـذي تَرْنُـوا لَـهُ=قَيَاصر بُصْرَى مِـنْ ذَوي نَصْرَانيَـه
وَلَقدْ نَصَحْت مِـنْ اَلْمُلـوْك ثَمَانيَـه=مِنْ هَوْل نَار(ن) سَجّروهَـا زَبانيَـه
حَذّرتهـم سُـوء اَلمَـآب فَأشْفَقـوا= مَاعَدا نِقْريْـس(ن) يُعَاشـر زَانيَـه
يُقَارع أقـدَاح اَلْشَـرَاب اَلْخَندريْـس= يُسَامِـر تِلْـك اَلْدَردَبيْـس اَلْغَانيَـه
إلَى أنْ تَنَاوَلـهُ اَلْمَـلاك بِنَجْمَـة(ن)=فَصَارغُبَار(ن) فِـيْ اَلْفَضَـا دُخانيَـه
تَالله مَاأبْـقَـت لِبَـرقَـان(ن) أثَــر=فَكَان كَمَـا لَـوْ لَـمْ يَكُـنْ بُرْقَانيَـه
فَسُبْحَان مَنْ تَخْشَاهُ أشْبَـاح اَلْـزَرَاج= مُجَـازي عُلْـوج اَلْكُفْـرِ بِالنِيْرَانيَـه
مُدْمِدْم عَاد(ن) مِنْ بَنوْ صَخْر(ن) بِوَاد=مُهْلِك أصْحَاب اَلْحِجْـر فِـيْ ثَانيَـه
أشْكُو لَـهُ حُزْنِـي وَنِقْمَـةُ فَاْقَتـي=فَكَمْ كَمْ وَكَمْ مِـنْ جُـوْدِهِ أعْطَانيَـه


24
وادي النمل وحادي العيس :

زَرفلَت مِنْ حَادي اَلْعيْس اَلْقلاص=كّنْ عَلي بَابَا يحُوفَه مَعْ لِصوْص
كّنهَا جُول(ن) تذيّر مِنْ رصَاص=ذيّره عَنْ مَرقدَه عَدي اَلْقنوْص
مِنْ قِصيدي دَرْهمَت عُوص(ن) دَلاص=عَاينَت شَيطانهَا وَالْعُوص عُوْص
سِيميَائي يَقنص اَلْعِلم اقتنَاص=كِيميَائي لَه تجَاريْب وفحُوْص
دَيلم(ن) دَلمس دَلامَس دَيْلمَاص=خنسر(ن) خنسيْر خَنوّس(ن) دغوْص
سَادن أنوَاء اَلْقصَايد بـِ ختصَاص=هَيْكَل وكهيَال مِنْ حُوْلي تحوْص
حَيْزبونَه حَاكَت لسحري نَمَاص=فِيْ خيوط اَلْعَنكبَوته وَاَلْمَنوْص
وادفنته ابوَادي اَلْنمل احترَاص=شفّهَا فِيْ دَاخل أغوَاري تغوْص
وتكتشف مِنْ يمتلك كِلْ اَلْخوَاص=سِكْني(ن) جنّي بَشر دَوْسَر دروْص
أسبك ابيوْتي عَلىَ طنب وانَاص=عِقد لولو مِنْ يوَاقيْت وفصوْص
أحلا مِنْ شَهد اَلْخلايَا وَاللوَاص=منزّه(ن) عَنْ سَلطعوْن وعَنفلوْص
واطرَى مِنْ عَجوى اَلْمَدينَة وَالْخلاص=بالشمطّري وَالْريَاحين امخبوْص
واعقد امنْ اَلْملح فِيْ ميّة اقلاص=حَنضّل(ن) قرقيْط للأوبَاش خُوْص
عَلطبيس(ن) صَولجَاني قطب مَاص=خَندريْس(ن) كِنّه لهرميْز بُوص
فِيْ عَباتي تلتحف دِغم اَلْنوَاص=مِنْ بني غِيلان وَالْقرن امعَكوْص
وفِيْ عصَابة رَاسي مَردوْخ استنَاص=لازعلت ايخلّي اَلْكَايد نُموْص
لامسحت اَلْخَاتم اَلْوَهاّج نَاص=وقَال لي شبيّك يَاراع اَلْقلوْص
كلْ مَذعور(ن) ليَا غنيّت شَاص=وسَاكني عَبقر مِنْ اَلْرَوعَة شُخوْص
لَوتنَادو حِينهَا مَامن مَنَاص=بالقمَاقم مِنْ لَظىَ حِرْزي رصوْص
شِعري اًَللي مَايجي فِيْه انتقَاص=مِحتوي فَنْ اَلْبَلاغَة وَالنُصوْص
وَارث(ن) كَنز اَلْمَعارف بـِ حتفَاص=جُولي اَلْخدّام مِنْ طُوْس امخَصوْص
ذَاع صيتي مِنْ بَعلّبَك للنمَاص=وَآنَا فِيْ نَجد(ن) تغابشني عصوْص
كيْف وأنَا اَللي جَدّي للعَاني خَلاص=مِكْرم اَلْضيفَان وَاَلْدَهر امخموْص
جَدّي اَلْبيطَار كَعّام اَلْعَواص=بريْك بَقعَاء كِلْ مِنْ خَاله يلوْص
وجدّي امنْ امّي إذَا حَان اَلْقصَاص=لاتفرّعن كِلْ ديْك وكِلْ صُوْص
اِبن حتروش(ن) سَعد وَالْعِلم خَاص=بَاذخ(ن) خِنذيذ جثجَاث(ن) جلوْص
اِذكروْني كِلْ مَاخلتو عرَاص=وحَذرّوبي كِلْ خَرنوْص وَخنوْص


25
العرافة سيريس والأعور ابليس :

من مرقدي فزيّت من هول كابوس=فجعني بأوقات السَحر والغطاليس
كّنه نهشني بين الأضلاع نادوس=أسحم عور يشذى ثعابين رمسيس
كل العطب لامن غرز ناب واضروس=بين الضلوع الناحلات المقاويس
والموت في فكٍ شطيرٍ كما الموس=انيابه العكف إن غرزها دبابيس
اليا ابترم ثم انمغط كنّه القوس=مايفيد مع نابه دروع ومتاريس
معذور لو أقعد من النوم مهووس=مخيّ انلحس واصبحت ظمن الملاحيس
حلمت حلمٍ يشده البال ويحوس=حوسة ابن غانم بركب الأداريس
حلمت لنيّ وسط كثبان واطعوس=في ليلةٍ خرسى اجوب الطعاميس
وفجأة وحيت الصوت والصوت مخنوس=وابصرت حولي لّنه الأعور ابليس
جلبابه أسود واكثره ريش طاووس=ويقول لي لي هيّا معي يامرؤ القيس
وطرنا على جناح النوارس لقرقوس=وهبطنا في قعرٍ عسير التضاريس
وسرنا لضلعٍ بآخر الوادي محروس=بجنٍ على صفرٍ وحمرٍ كراديس
وعاينت غارٍ داخله ضو فانوس=فوق الهضاب النايفات الأراويس
تقول حانة عهر في معبد ازيوس=ونشدت وقالو هذا هو غار سيريس
وقفت والباقين من حولي اجلوس=الأعور وفابيس وخنزب ولاقيس
في غيهب الديجور بين غبس واعموس=وفحيح ريحٍ طيّرت كاب برديس
ويوم أقبلت وطوّ على شانه الروس=وضلّيت شامخ كالأسود الأشاريس
جتني تشيل ابكفها جملة اطروس=ودم اليتيمه حبر ذيك القراطيس
قالت أنا عراّفة الرب فينوس=أبصرت في علم الفلك والفوانيس
أقرأ لك الطالع لوالعلم مدسوس=والمبهم المغمور خلف الكواليس
أنا اللي نبّهت الخليفة خبر طوس=وحذرّت المستعصم تتارٍ غطاريس
وأنا اللي بشّرت القياصر بطرطوس=وابخاتمي زلزلت جوسق سمر ميس
برجك هوائي حار خامل ومطموس=طمست فراديسه وباتت خداريس
جاوبتها حظي من أزمان منحوس=وشيٍ طبيعي لوتزيد الهجاريس
اللي يشوفك يبقى بالهم مغموس=يانافثه سمّك بوسط الكراريس
كفرت بالنجمة واساطير فينوس=وآمنت باللي ابلس اِبليس تبليس


26
أنا وليلى في بلاط الهرمزان ( حوار مع الراهب المارق تحت سقيفة البطارق )
وقد اسنتدتها على راهب الشعر لفى الهفتاء المطيري:

حضّرو من وادي عبقر من قرعت الصخر ميّة=العفاريت استثارت يوم قعقع صولجاني
والخرز في خنصري كل مامسحته زاد ضيه=ضوحه البرّاق أبهر نيسابور وخرساني
بين أغوار المغاره بين فعفاعٍ وحيّه=في غياهب ذلك الغلس البهيم أنعي زماني
زبج سمطي لاسطفق حرّك سكون السرمديه=كُرح راهب أبلج الرهق المخيّم شمعداني
إدلج مابين السباسب شايلٍ حتفي بديّه=مثل دعبل مادرى حتفه بحد السمهراني
آه يالطوفان لوخلت الدمقس العسجديه=كان ماتبرى ولو نقرى لك السبع المثاني
لوتسربل أو تمنطق بالدروع الفارسية=تودعك مثلي طريحٍ مثل جذع السندياني
يارجيح الراي ياراع الهجوس الشوشليه=دارجٍ عراّج فوق الهيدباني ديدباني
ساحرٍ كهلٍ عنالك من عصورٍ بابليه=يحمل كتابٍ سحيقٍ حبر طرسه دم قاني
حظه المجذوم حدّه والظروف العنجهيه=أرمدٍ ينفث رماده في زهور السيسباني
خرمسيه زنبقه ديجور اثيث الحاتميه=مسرحية والبطل سفروت عارج من عماني
نونها عرمرمٍ بالجيلبوت إزداد غيّه=والرموش اليا ارمشت راهب سجد لله حاني
لاتلوم الخال بعده لويدن الهاشميه=الموادع شين والفرقى تهدّ البهبهاني
سندسٍ واستبرقٍ كل ماانبلج ضوح الثنيه=بارق الوسمي تخيله في شفقها الزعفراني
يارياح النود هبي صوب حي العامريه=بلغيها عن شقى روحٍ لجت وسط المحاني
قولي إن الحال رسحاء والعذوق الجرد حيّه=لوترادف وازدلف خلف السعايه أونساني
والله إني ماهقيت إن الصفي يترك صفيه=لين شفت الليل قد جافاه ضوح الزبرقاني
لوني ماعرف البنيه خلت اصوله شركسيه=الجمال اللي حواها يالفى زلزل كياني
بيلسان بشط برلس بين شلالٍ وميه=عبقه الفوّاح خلى موج يميّ عنفواني
رموشها تجرح كما سهوم البلنزا القندسيه=مثل مااهلك ابن حجر الطيلسان الافعواني
يافلاطون المسألة ماهي بقضية حسابيه=القضيه كيف جاني مدمج الساقين عاني
ما أصدق بالخرافة والاساطير العتيه=لو أشوف الرّخ حلّق بالفضاء فوق المباني
لين شفت الجويريه في هذيك القنصليه=والخرز في معصمه زلزل بلاط الهرمزاني
ياقسيس الديّر هات العلم من قبل العشيه=وموعدي واياك بصطفيون ياجزل المعاني
والصلاة على الرسول إعداد نوح الراعبيه=وعدّ ماهللّ وكبرّ في ذرى الركن اليماني


27
( الملك هاروت وليلى التركماني )
رد الشاعر لفى على قصيدتي ( أنا وليلى في بلاط الهرمزان ) :

كبّري يا (صـــومعة قسّيــس) أرض (المـــزدكيّة)= في غسـق ليــلً يحــوفه (ألـــف مارد) هيقــماني
صغــــت (طوفـانيّتي) مــــن دم (نــوف الحنـبليّة)=فـــــوق زاجً أبلجً كنـْـصاب ســيف (الحـوفزاني)
أشعمي يا نـــــوف قنـــديل الحــــروف الأبجـــديّة= مـــن سمعــت اللي بعـــبقر قــــال وردٍ هينـماني
من بلد بابل ســــرى (هاروت) بالهيـــــدب عشيّة= حــــاملً طـــرسً حروفــه مثل نقـش القـرطياني
خــطه بريشـــــة نعــــامة في (عكاظ الجــــاهليّة)= ساحــرً يلبــــس من (الذئبي سطــيحً) طيـلساني
إيه يا نـــايف بطـــــل أول فصــــول المســـرحيّة= قارئة ورْدك بعــد ما جــــتـك فـــوق (الهيدباني)
اثلمت في ساحة الجــــمع السيــــوف الحضرميّة= وأنـت تحْـــسبها (أســـاطيرً) بعـــــين النيــدلاني
يوم جــــت لك مثل (بلقيــــسة سبأ) بالخــرمسيّة= تشتكي لك بُعــد (عُقــــبه) عن (بلاد القـيرواني)
تتبعــــــك في زوبعة نيــــرج ريـــاحً موســــميّة= مثل ما يتـــــبع (آنو شروان) (مزدك) بالبـــياني
كــن ليــــلى من هزابرْت الجيــــوش البــــربريّة= قــــادها (بن تاشفـــــين) لقرطـبة يــوم استعاني
والبـــلاط اللي تزلــــزل تحــت رجــلً دمقــــسيّة=آيــةٍ حــيّه !! لسفروت البطــــل جـت له عيـاني
زلـــــزلت أثـــيث ليــــلى مدّعيـــن (البلشــــفيّة)= كهــــرمانة جنــة الفردوس تعشـــــق كهـرماني
كل ذو نقـرس تغطــرس كالملــوك الحـــــميريّة= بالأصــــــول الشركسيّة شرع ليـــلى التركـماني
فسّرت في سمـط ياقوت ! الرماح الســـــمهريّة=كــــد حيـــا منــها لهــب نـارً بـركن (الموبذاني)
من حـــياها يـا كهـــل بــــابل تكنـّـى يوســــفيّة= ومن شــــذاها تمزج بريـــح القرنفـــل قحوياني
من نظـــم لي بأزرق الديـباج ســــبحة هاشميّة= انثنى (للمُتــــلمّس) وســــط (طرفه) خيــزراني
راهــــــبٍ في وســط كرحً يبتهل قـــــدم البريّة= ســــاق من نشـــوة مسا عيـــده زكيّ الديدحاني
لجل متبــول الهــــوى من يوم بـانت نــرجسيّة=مشلـحه فـــوقه وكـــمّه في يديــــن المرزبـــاني
القـضــية يا سطـــيح بوســــط دانـة ســــاحليّة= وأنت في جلبوت نوح وحوت أبن متـّى مصاني
قلتها لك بإســــم أحــــبار العصــــور الأوّلـــيّة= باقــــةٍ يبكي نـــداها فــــوق خــــد الأرجــواني
دام وصلت لأفلاطون العولمة أصــعب قـــضيّة= قــــلت أطلسمـــها وسط عبقر بـــآيات الدُخاني
شــــاعرً مجنــــون ومْعــــدّي حــدود الجاذبيّة= واتحــــدّى خيـــرة العقــّـال فـي قــــمة جــناني
أعشـــق من الإستكـــانه أن تكــون الفوضويّة=وأن تكــون الفوضـــويّة في حـــدود الإتــّـزاني
قـــارعً صخرة (بنو هنــّـام) في بنجــر (أميّة)=وانبنى لي وسطــهم من أجـنحة طـــــائر إواني
وأتــــرك الأيـــام تروي ملحمة ليلى العــــذيّة= من بعد ما زلزلت رحــــب البــــلاط الهـرمزاني


28
الحديث الهينمان مع الكاهنة ذات الرمح والصلبان :

دَخّنَت سَقَيفَة اَلْمَقْدِس وَغَاب اَلْنَجم طَارِق=وَالْحِمْيَريّة طَرِيفَة مَاتَت وَمَعْهَا اَلْحَقِيقَه
اِسْطَفَتنِي قَبْل تَرْحَل بِين شَمّاس وَبَطَارِق=وَسْلَمَتنِي طِرس مَكْتُوب(ن) مِنْ اعْصُور(ن) سِحِيقَه
وَوشّحَتنِي طَيْلَسَان وَخَاتِم(ن) وَهْاّج خَارِق=وَسْبع(ن) مِنْ مُلوُك اَلْجِّنِ صَارُو مِنْ حُولِي شِفيقَه
ثُمْ سقتنِي بكَاسَهَا اَلْمَخْمُور فِيْ ذِيك اَلْنَمَارِق=وَاَلْعِقَار يخَالِطَه سِذَاب يَامَحْلَى رَحِيقَه
مَاتُقُول إلاّ اَلْخِدِيوِي بين زَرَابِي(ن) زِبََارِق=بعِيده اَلْنَيرُوزِي كُوزَه مِسْك مِنْ رُوز اَلْحَدِيقَه
يَشْهَد اَلْكَاغَد بِأنِي شَاعِر(ن) أَبْلَى اَلْمَهَارِق=وَبِأَنَنَيِ عَرِيق(ن) مِنْ سَلاَطِين(ن) عَرِيقَه
أَلْجِم اَلْشعِر اِبْعِنَانَه وَامْتطِي ظَهْر اَلْمَعَارِق=بَيْن كَرْ وَبَيْن فَرّ(ن) زَافِر(ن) سَيْضَم حَرِيقَه
أَلْف لَعْنَة لِمَنْ جَحَدْنِي وَأَلْف لَعْنَة لِكُل سََارِق=كُنّسِي سُنّدس عَرَنّدَس يِبْلج اَلْحَنْدَس بِرِيقَه
اَلْيِرَاع اَلْصَوْلَجَاني لاَنِزَف بِالزَاج حَارِق=تُوحِي دَبْك اَلْجِن حُولَه كِنّه اِخْيُول(ن) طِلِيقَه
أَكْسِفَت شَمْس اَلْمَغَارِب وَاخْتفت شَمْس اَلْمَشَارِق=مِنْ سَنَا مَشْكاَة نَجْمِي مِنْ بِدَى فُوق اَلْخَلِيقَه
مَا أَلِد صُوب اَلْضَغَارِط مَادَريت اِعن اَلْطَوَارِق=وَاَلْجِمَل مَالَدّ لِلبَاعُوض لَوْ حَاوَل يِعِيقَه
سَلْسَبِيل اَلْعِلم وَاَلأَدَب شَرَبْتَه بِالّدَوَارِق=جِيلَبُوت ايِجُوب أَغْوَار اَلْمُحِيَطات اَلْعَمِيقَه
يُوم غِيري فِيْ دُرُوبَه جَاهِل(ن) تَايه وَغَارِق=قِدْ وُصَلت وَنِدّي بَعْده فِيْ دَهَالِيز وَخَلِيقَه
بِينِي وَبِينَه فَوَارِق بِينِنَا مَلْيُون فََارِق=وَمِنْ يِظن إِنّه وَصَلْنِي عَاد مَا كَمّل طِريِقَه
أَخْبِريِهُم يَاوَفَائي أني كَالْصْمصَام مَارِق=لاَمِع(ن) سَاطِع وَقَاطِع لاَسِطَى اِجْرَاحَه غَمِيقَه
وَاخْبِرِيهم يَاوَفَائِي أَنْنَي كَالْرُمْح فَارِق=مِثْل اِبْن اَلْحَوْفِزَان اِلْيَا شَهَر لَزْدَاد ضِيقَه
دَاغِرُ(ن) فََاقِر لِعَظْم اَلْقَادِي بِسْيوُف وَمَطَارِق=آتَعَزْوَى بِكلّ غَزْوَى وَشِيَاطِينِي مِسْتِفِيقَه
اَمْتَطِي ظَهْر اَلْعِبَيّه وَاحْمِل أَعْلاَم وَبِيَارِق=بِزَنّدي اَلْرُمح اَلْمُسَجّر وَاحْمِل اِبْكَفِّي وِثِيقَه
وَأْخْبريِهُم أَنّ نَجْمِي يَاوَفَاء كَالشَمْس شَارِق=ومِنْ نِفذ لأقطَار نَجْمِي مِنْ شُوَاظ اَلْويل آذِيقَه
رَاجِم(ن) لاَجِم مُهَاجِم لِلشَياطِين اَلْسوَارِق=وَدَيْدَب اَلْجِن لاَتِسَلّل أُوْدِع إِعْظَامَه سِحِيقَه
يَاوَفَاء لَو بَاعَدَوُبك لِلجَنَوُب أَقْصَى اَلْشَفَارِق=مِسْتَحِيل آنْسَى طِيُوفك يَاوَفَاء لَوْهِي دِقِيقَه
آتَنَوُمس كِلْ مَاخِلت اَلْشفَق وَاونَسْت بَارِق=لَنّه يِذكِرنِي فِي خَدّك وِثغرِك يَا أَنَيِقَه
يَاوَفَاء إِنْ لاَح زُولِك خِلت اَلْقِطَاة اَلْهَمَارِق=وكِل هُمُومِي تُختَزل لَحْظَة حُضُورِك يَارَقِيقَه
وَاَلْحَظيظ اَلّليِ لِيَا زَاد اَلْعَطَش وَرّد لِبَارِق=يَشْرَب مِنْ نَهْر اَلخُلود ويرتِوي ويبل رِيقَه


29
الوفاء وقصر مارد :

رُمْح اَلزنَاتِي فِي عِيوُن اَلْوِفَاء لاح=وين إنت يَادِرع اَلْهِلالي سَلامَه
فِيْ ذِمّتي لَو تلّبَس اِدروع واسْلاح=مَاتبرَى يَانَايف لِيوُم اَلْقيامَه
كَمْ فَارس(ن) صِنديد مِنْ عينهَا طَاح=واضحَى صِريع(ن) مَاتشيلَه عِظامَه
اَلْشمْع لامِن اَلْوفَاء سَلّهمَت سَاح=وَالخوخ يداعِب خَدّها وَالخزامَه
يَالبى ضِحكتها تِباشير وَافرَاح=والاّ زعلّهَا مَا أطيق اِحتدَامَه
برمُوشَها قِسيّس يَقرَأ بالألواح=وبعيونهَا اَلْشيطان يَنبل سِهَامَه
وَالخَشم شَذرة سيف فِيْ كَف ذبّاح=يَاكم جِدع مِنْ روس وكَمْ حَطْ هَامَه
وَالخَد نَرجس خَالطه وَرد تفاح=وَالعنق عِنق اَلْمُترَفه ريْم رَامَه
وَالصَدر مِنوة كِلْ غَاوي وسوّاح=غِض(ن) غَضيض(ن) مِثْل بيض اَلْحَمامَه
وثليل شَعْرَه فَاحِم(ن) بِالعِطر فَاح=كِنْ اَلليَالي مِنـْه تَسْلب ظلامَه
ريّا اَلْكُشح هَيفََاء سَراجيفه اِشْحَاح=عُودَه ليَان وزَاهي(ن) فِيْ قوامَه
خَطر(ن) عَلى رَاعِ اَلفتَاوي والإصَلاح=لَو شَاف وجنتهَا يحلّل حَرامَه
ويبقَى بدنيّا اَلْحب طَايش وسبّاح=مَاكنّه لاصلّى ولابيوم صَامَه
من طلعة النجمة لما نور الإصباح=آخايل اطيوفه وعاني غرامه
يَاعونة الله كِنْ ِفيْ عِيني اِذحَاح=زوله يزوّلي وهِي فِيْ تهامَه
عَسر(ن) اِحمَاها دُونهَا سيوف وارمَاح=بنْت اَلْشرف وَالعِز عَالي مِقامَه
كِنْ مَزّبنه فِيْ قَصر مَارد بالأسيَاح=مَادورجت حُولَه فروخ اَلنعامَه
جِبْت اَلْبوَادي وَالأخَاديد سِرْسَاح=لِعيون مِنْ رُوحي بلامَاه هَامَه
وسَألت عَنهَا قَارعَة كُوس اَلأقدَاح=اَللي هَشاشيْل اَلْبخَت فِيْ زمَامَه
ونشدت مِنْ يَزعم بتحضير اَلأروَاح=وعَشره شِبكهَا مَاعطَاني عَلامَه
وأذعرت مِنْ شَانه شِيَاطين وأشبَاح=وأسرجت فَانوس اَلْقوافي جهَامَه
وذرّيت بعيون اَلنوَاديس ذرنَاح=وخرّو هَلع يومي رميْت اَلْعِمَامَه
دَوْسَر جَرافِس حَيّدر(ن) لَيْث نَطّّاح=صُعوط لِعقول(ن) غَشتهَا غَشامَه
أوَ لسْت مَنْ وِشّحت فِيْ صِغري بِوشَاح=وفِيْ مَوْلِدي قَرَأ عَلّي اَلإمَامَه
أنَا اَلْذي طَافو بجثمَانَه اِكَلاح=سُود اَلْوجيه وغاشيتهم غَمامَه
جَابوني مِنْ وَادي أبو سَرح(ن) اِشفاح=مِنْ فَوق فَلحَا نَوّخَت فِيْ عَدامَه
وَعلَى ضَريحي وَقّع اَلْقُمْري ونَاح=وِبْفقدي صَاحت أمْ مَعبَد نَدامَه
قِصْة كِفَاحي يَاجماعَه والأدرَاح=مَابين سِردَان اَلْهَدب وَاللثامَه


30
رائحة قميص يوسف :

البارحـة عّديـت حـدب النوايـف=الوضع مـزري والمـواري مخيفـه
في ليلةٍ غبسـا رياحـه غضايـف=ظلّيت أدوّن فـي مهـارق نظيفـه
حظـي عبـوسٍ مكفهـرٍ حسايـف=متعاشـيٍ مجـذوم ملّيـت زيـفـه
مثل السمرمر بالقصص والطرايـف=ماقـام لوبابـل توّحـت رفيـفـه
لي ونّـةٍ هـزّت ملـوك الطوايـف=مالوم (إبـن عبـاّد) لـوزاد حيفـه
دامه ( إبن زيدون ) يعشق ولايـف=العيطـل اللـي زارتـه بالسقيفـه
رشا جدايه شيظـم الكشـح هايـف=اثيـث بالعظلـم تحـنّـا لطيـفـه
قصر الهوى في داخل القلب نايـف=ماهزّتـه نهـز الريـاح العنيـفـه
تضعضعت ذيك الضلـوع النحايـف=الوقت جـذ اشطاننـا بحـد سيفـه
يامعيد ( إبن يعقوب ) عقب العجايف=لعودٍ شكـا حزنـه وعينـه ذريفـه
من كثرّة الاحـزان ماعـاد شايـف=صابر متى الأقـدار تنهـي خريفـه
وابرحمتـك جفّـت دمـوعٍ ذرايـف=بريحة قميصه عاد شـوف الكفيفـه
إجمع قلوبٍ مـع بعضهـا ولايـف=من كثرة الأحـزان باتـت كسيفـه
اقنب على المرقاب حايـف وخايـف=أدري بطـل ميـر الليالـي عنيفـه
والعبـد لـوزادت عليـه الكلايـف=يصبر عسى ايامه تجـي بالنصيفـه
مانـي بقنـاّطٍ كثيـر الحسـايـف=لوجاد وقتي في سمومـه وصيفـه
صميدعٍ سقـم الخبـول الهطايـف=قرقيـطٍ وزقـوّم بالحلـق شيـفـه
ريـفٍ مريـفٍ للنشامـا مصايـف=فّـيٍ وضّـيٍ للنفـوس العفيـفـه
يومي بزر مزمـول بيـن اللفايـف=خطْ بجبيني ( سعد منهو حليفـه )
من لابةٍ تشـذى الحـداد الرهايـف=أفعالهم تشـذى القصـور المنيفـه
حريبهم ماهـو مـن الهـم كايـف=يفـوع واعـي لالمحهـم بطيـفـه
عزالله إني شمـت والقلـب عايـف=عفت القلـوب الحاقـده والضعيفـه
وعسـى مقابيـل الليالـي خلايـف=وتبرى جـروحٍ بالضمايـر نزيفـه
هذي طلاسم ديّـدب الشعـر نايـف=مذّيـر عفاريـت الأوابـد عزيفـه
درّاج عـارج بالمجـرات طـايـف=يصوغ من مشكـاة شعـره قطيفـه


رد مع اقتباس

قديم 08-03-2010, 09:52 PM   رقم المشاركة : 2
معلومات العضو
نايف العبيد
ساحر الشعر
 
الصورة الرمزية نايف العبيد
 

 

إحصائية العضو








نايف العبيد غير متواجد حالياً

 
آخـر مواضيعي

المستوى: 32 [♥ Bأ©-Yأھu ♥]
الحياة 78 / 784

النشاط 474 / 16287
المؤشر 36%

إحصائية الترشيح

عدد النقاط : 25
نايف العبيد is on a distinguished road

 

 

افتراضي رد: ديواني وإيواني


 



31
وادي عبقر :
جرّيت ونّه جلجلت وادي عبقر=كم هيقمانيٍ جزع من سمعها
عن كل ذي عنقر وكل ذات عنقر=الأبلق أشباح الأوابد ردعها
حتى رضيع الديد منها تعكّر=نسى حليب أمّه تكل مارضعها
حبريت أوحى للبطارق وأخبر=حيّر أولي الألباب يومه شلعها
يرقص على موّاله الشاه بندر=ويبكي على أطلالها مستمعها
يجرّها الصمصام من فوق منبر=نسناس غبسه بالعوالي سفعها
نمير إبن عامر على الدرب يسبر=والحظ قاطع درب روحي نزعها
تزلزلت من زاجي املوك حمّير=وباذان نادى والقساوس جمعها
إستبقروا من حرف طرسٍ تعبقر=واحروفهم تقزّمت من لفعها
الجارية مع بطنها اليوم تبقر=باتت قطع واشلاء كلٍ مزعها
وردٍ زمرّد نرد بأشقر تمشقر=عندل تعنّدل غنجها مانفعها
من دمّه النجس الطفيلي تعفّر=وعلى مساطيب العرايا جضعها
الدايخ السكّير يسكب وينثر=على جسدها الخمر محدٍ منعها
تناهشتها ريط بخّوت نصّر=وكل زايف وجاير بكفّه صفعها
كاهن جنب من غي الأوباش حذّر=الحنضلة والغرقدة من زرعها
يومه شهر كفوفه الشعث وأشّر=أبصارهم تشخّصت من رفعها
من حشرجات الصوت كلٍّ تجمّهر=ينعي ختولٍ وقتها قد خثعها
وصّى على دم اليتيمة وأنذر=الويل للي ضامها أو خدعها
يدعي عساهم بالهوان المعمّر=وشوك البلنز احلوقهم تبتلعها
شربت من كوز أهل بابل وبربر=وشاشة ملوك الليل طرسي فجعها
صميّدعٍ مثل الهزبر الغضنفر=سحم الأفاعي والعقارب سبعها
ضمضم عنمنم للطوابير حيدر=وردي شياطين الآبالس صرعها
هدّيت تمثالٍ نطو فيه تنتر=ويد السوارق سمهريّي قطعها
ونسفت عجل السامري يوم خوّر=يلعن أبو البدعه على مبتدعها
ونفذت لأقطار المعارج بدوجر=وأًوتيت كنز ومبلغ العلم معها
وأصبحت قرطٍ قمطريرٍ ومخطر=بحلق الطفاس اللي تغر مجتمعها
بالزيف عاشوا بين كسرى وقيصر=وبالكذب والإجحاف كلٍ تبعها
كيف الثعل بعد إختزاله تقسّور=والقسورة ضيم الليالي صدعها
من قبلي قاله ذلك الشيب بندر=ماكل من هاز الطويلة طلعها


32
عرش بلقيس والعفريت برديس :
لعنبو ذيك الرسالة ياحمد=شاش راسي وانبهر من محتواه
الجمال اللي حواها ياولد=طقّت فيوزات مخي من حلاه
زند ٍ وكف كاف ٍ وكف ٍ ويد=بالوسائط دزّها ليتاً احذاه
كف ٍ أبيض مثل قرطاس وكغد=ذكّراً في معجزة موسى وعصاه
ونقشة الحنا طلاسم او رصد=خطّه الكهنوت من دم الفتاه
خطّه الكهنوت نفّاث العقد=ودّسه الذئبي سطيح اسفل حصاه
ومبسمه مرمر يحاكي له برد=سمط لولو يبلج بحمر الشفاه
جوهر(ن) في عرش بلقيس إنرصد=جابه العفريت من قاع المياه
إنشرخ تمثال بابل وإنخمد=شمعدان الشاه من كايد سناه
الجمال اليوسفي يحرك جلد=بري حالي لاتثنّى بالعباه
كل مسطولٍ ليا شافه رشد=وراشد العقل اختلف منّه وتاه
لعنبو حيّه ملكني ثم قعد=وسط قلبٍ مايبي حيٍ سواه
هالني مثل اليهودي بالبلد=يومه استوطن اخذ حيفا وحماه
كل يوم يزيد ويزيد المدد=وعانه اببيروت ماقصّر غزاه
تنتشي كل القصايد لاقصد=وان تغنّى جاوب القمري صداه
الله ايجيره من اعيون الحسد=والله ايحفظه من أشباحٍ تباه
جعل عينٍ تستعلّه للرمد=وكل فاهٍ عاضبه تنفض جماه
من نقدني ما الومه لو نقد=مارأى اللي نون عيني قد رآه
ماهجع فكري وجفني ما رقد=كيف ابرقد وأدري ان قلبي معاه
مارد اشعاري من أسبابه هجد=وقال مالومك يانايف من بهاه
والذي القى على عبده جسد !!=ناسف القريه على روس العصاه
صاحبك بالكون مثله ماوجد=جل من سواّه واعطاه وحباه
أرسله لي ياحمد ليلة أحد=وشفني اعاني طريح ٍ من هواه
لي ثلاث أيام بين نار ولحد=يبتليه الله كما قلبي بلاه
وخاتمتها " قل هوا الله أحد "=فارج الكربات ومعيد الحياه


33
خرز أزرق رصد :
في نون حوى قريت اكتاب=كن العفاريت كاتبته
مصلوب في داخله سرحاب=طلاسم الموت صالبته
من نظرته تستنيخ اشناب=ياويل من طب ملعبته
فيه العور لابس(ن) له كاب=ابليس بوزان ديدبته
من شاهد السلهمه بسهاب=يلعن أبو يومه وسبته
دمي من امشاهده قد راب=اهداب عينه مروّبته
من رمشه أقرأ الورد مرتاب=وانفث على ابليس وخنزبّته
يبي لي خرز رصد وحجاب=من اريش(ن) حيل جنبّته
وسيف ابن هندي وقب عقاب=يحميني لاسلهم اهدبته
ودرع الزناتي وشلفا ذياب=لاهد لعيون معجبته
لعيون سعدى ذبح حرناب=يوم الآدارس محاربته
ياعين حر(ن) على مركاب=سبوق المحابيل جاذبته
مرتز منغز لخز ينهاب=رزّة زعيم(ن) زما نبته
وقف يندّد عن الإرهاب=بيّح من المعضله كبته
صافي عمد أقطم(ن) جذاّب=لافرّع ابريقعه هبته
يدعيه راعيه ياكساّب=عرض المناكب معذربته
يقول شبكته من المرقاب=لطرد الملابيد دربّته
ياصاحبي ماعليك اعتاب=لشقيت قلبي وعذبته
جرحي من العام ماقد طاب=اجروحك اشلون طببته
الخد لون الشفق بغياب=مالوم قلبي لو انهبته
امن الحيا عضّت العناّب=بضوح البرد ليلي اقلبته
اسهر وكنّي عضيض الناب=أرقط ظهر يبرم ارقبته
إذا وقب غاسقه ينساب=وعروقي السم شاربته
أنا جريح الهوى منصاب=هو صابني مير ماصبته
آجيه متشرّه(ن) طلاّب=وآعود والحق ماجبته


34
صولجان بلقيس :
عيطموسٍ في طرف رمشها حربٍ ضروس=مـن عثر في غبّها راح مع جساسها
المهلهل طب من شانها كون البسوس=وماالوم الزير لوهو سكر من كاسها
اوجس بقلبي لهيبٍ كما نار المجوس=فـي معابد كسرى كهّانها حراسها
مير نار الحب ماله مراسيم وطقوس=لزفرت ثم إشهقت تحرقك بأنفاسها
من زماني والتجارب تعلمت الدروس=والدروب المجرهدّة عرفت اقياسها
مير ماحسبت لرموش ذيك العيطموس=ويل حالي موجها مارحم غطاسها
الرشيد اللي توفّى غريبٍ وسط طوس=مادرى إن المنايا تسن أمواسها
بس أنا عزمي قوي لو كشر حظي عبوس=وآبخوض المعركة لوتزايد باسها
مثل منتوج النحل ريقها والعرق سوس=مزنةٍ قد هالت بروقها عساّسها
كل عذابي من رموشٍ طرفها حد موس=ويش حيلة ابن بردٍ وابو نواّسها
من رموشه طاحت أعلام وراياتٍ وروس=والسرايا بعدها اعلنت افلاسها
وفي عيونه صولجان الكريمة دختانوس=كن شمس الكون ذابت بوسط الماسها
والجبين اليا ظهر ياعرب شمس الشموس=جوهرٍ في جيد ( بلقيس) وتاج ابراسها
مايفك طلسامها سنكسارات وقسوس=حتى كهاّن الجبل لورجت خناّسها
فارعه متفرعنه فرعها ثار الرموس=والتمست برمسةٍ يوم نس نسناسها
عسعس الليل بثليلٍ كسا زند العروس=غطلست عباية الليل ظمن الباسها
حبهّا سهمٍ بوسط الحنايا وامغروس=كم سهرنا لجلها والعرب بنعاسها
بت ضامي مارتوي مثل من يرجي الرسوس=صدّر العطشان والنفس ملّت ناسها
اشغلاً في حبهّا راعي اليمنى الغموس=مير أنا مالدّ بنجوسها واخساسها
والله يكفينا شرور العواذل والنجوس=زمرةٍ بالكيد ربي يبيّد ساسها
وادري إن عزمي قوي لو كشر حظي عبوس=وآبخوض المعركة لوتزايد باسها


35
خيوط العنكبوت :
لجلها صِغت القوافي والبيوت=صافناتٍ كنّها خيول وحصن
لازهمت ( حبريت ) وإلاّ ( سمهروت )=الخنازب قدم عيني يرقصن
شاعرٍ بحرٍ عرمّرم جيلبوت=لازهم عوص القصايد ماعصن
مِعتزي بالدايم اللي مايموت=مودع القرآن للمؤمن حصن
حاميٍ عبده بخيط العنكبوت=يوم عيرات الآعادي له نصن
مخرجٍ ( دانيال ) من جُبْ وجبوت=هازم الأحباش والعبد المصن
لجلها سبتي ماهو مثل السبوت=طايشٍ طيشة ( عيينه بن حصن )
تلعب ابقلبي كما لعب البلوت=داس تحكمني دبل وإلاّ تصن
خيزرانة غصنها عنّدل وتوت=لاتثنّت مابقى بقلبي غصن
ردوف شَطْوَتَها شكن ضيق الكلوت=كل ماقامت من الثقل اشخصن
وزمّة انهوده تشتتني شتوت=لا لِمَسْه الجُوخ بزاً واشقصن
وآنا قلبي منّفلت خِلْقَه فلوت=كيف قلبي من جماله ما احتصن
وكيف رمشه أصبح لقلبي ريموت=آشهد إنّه تلْ قلبي وقلصن
لارحم بيّه ! سفور وجيباروت=الشموس ابطلّعته اغلنّطصن


36
قيس هوازن :
تعال خذني طيب وإلاّ انهابه=ماعاد لي بين العشاشيق مقعاد
ياللي حياتي في غيابك كآبه=وابشوفتك عمري زغاريد واعياد
باهلي وباق ِ الناس مانيب آبه=مادام رمشك سور واعيونك ابلاد
يامعلّمٍ ( نايف ) فنون الكتابه=ياللي ابزينك مالك اشباه وانداد
من صوتك القمري صدح وسط غابه=وجول الكرك والغوس خصّك بالإنشاد
لولاك ماحن القصب للربابه=ولاسجع زرياب بأوتار الأعواد
كنّي آخايل يوم اشوفك سحابه=شرقٍ يهاوزها وغربٍ لها قاد
تحيي هشيمٍ حالك الوقت نابه=امن الضمأ يسري له القلب شداّد
ديمومةٍ وسم الحيا في شعابه=رزيمها بين المحاديب رعاّد
ورد الخزامى والنفل في ترابه=يعط بأنفاس النواوير من غاد
لايلحقك مني ذهول وغرابه=لاجيت لك ضامي من الشوق وراّد
اِنت الوحيد اللي ذبحني غيابه=وإن غابو الباقين مانيب نشاّد
كل الشوارع في غيابك تشابه=حتى المدينه غيّهب الحزن به ساد
شمعة غلا من حرقة الشوق ذابه=عان الآماكن حزنها كيف يزداد
ضاقتبي ساحات الزمان ورحابه=لاتلوم (أبوالطيّب) ولو عاف بغداد
يابهرجت قارون لامال كابه=ياغطرست رمسيس من بين الأوتاد
ذليتني وآنا شموخ ومهابه=وجيتك من اشواقي مكبّل بالأصفاد
وأنا أدري إني لنتخيت بشبابه=جوني من الحرّه طوابير وأطواد
اللاّبه اللي عن ثمانين لابه=عقبان لاهدّو شياهين واسياد
أنا عزيز النفس وربعي ذيابه=ولاهو اقصورٍ بالبقية والأجواد
ناطا على الموت الحمرمانهابه=والله ذكر إنّا أُلو باس واشداد
في محكم التنزيل جاء في كتابه=ويحق لي أفخر على روس الأشهاد
مادمت أنا عتيبي وربعي اعتابه=ماهمنّي موج البحر لوطغى وزاد
مير البخت له وقفتٍ وانقلابه=اللي يقهقرني ويسبرني اِعناد
إرحم عزيزاً ذلّ ماهي اطلابه=واكسبّي المعروف لاتصير جحّاد
تعال خذني طيب وإلاّ انهابه=ماعاد لي بين العشاشيق مقعاد


37
النقائض :
ذع ذع الذعذاع وحرّك من ذعاذيعه حريـر=ومن حرير الحر حارت حيرته والقلب حـر
صالت افكاري وجالت واستمالـت للغريـر=خايفٍ زين الوصايف نظرته تصبح خطـر
ثم يطب ويشب قلبٍ في هوى غروٍ صغيـر=ساليٍ ماهو بسايل سـارحٍ ماجـاب خبـر
شعره الشلال فوق الشال من مشيه يطيـر=وعّنقها عوقٍ معيقٍ للعشيـق اليـا ظهـر
العنا بعيون عنّـت خافـقٍ ماهـو خبيـر=بالهوى ولهان هاوي مهتوي دروب السهر
سلّني سلاّل عينه سلّت السيـف الشطيـر=وفزّ وهزّ ونزّ قلبـي يـوم خـزّن بالنظـر
لويدققبّـه فـرزدق ويتمقلّـهـا جـريـر=عافو شعرك يالنقايض ماكتبو لوهو شطـر
هايف النفنوف هيّف كالهنوف اللي تسيـر=وسط ريضانٍ عريضه روضها روضٍ خضر
تدرج بمشيٍ عجل مثل الحجل حول الغديـر=ادعجٍ مدعوجٍ اغنـج سـاذجٍ لكـن حـذر
شوقي شوق الروقي للنوق السبوقه والبعير=واكثر من القاع فـزّه للسحايـب والمطـر
روحي لاتروحين روحي مابقى بروحي كثير=يكفي اكتبكـي قصيـدة وآتغناكـي شعـر


38
نو الحيا :
سلامي على اللي مايجيب المراسيل=عزيزٍ وله في داخل القلب منزال
آنا آغليه لو يقطع حبال المواصيل=ولجله آكابد كايد الحظ لو مال
غرامه في قلبي مايجي فيه تبديل=تزول الليالي لكن الحب لازال
ليا رن جوالي تشب القناديل=ويرجف خفوقي كل مااوحيت الإرسال
ليالي سمرناها سرور وتعاليل=سقى الله لامنّه زهمني بجواّل
يالبيه ياصوته قصيد ومواويل=ليا قال ( أحبك ) خافقي يهذل اِهذال
سباني وخلاّني طريح الغرابيل=ودمعي من اسبابه على الخد هطاّل
همومي تزايد كل ماعسعس الليل=آعاني مجاهيم النوى واشهب اللاّل
ذرايف دموعي فوق خدّي هماليل=آلا واعذابي من جفى خالي البال
من الدهر والدنيا تشيب الرياجيل=ظروف الليالي كل يومٍ لها حال
وآنا خلّي شيّبني وشفت البهاذيل=سوافيه حدتني على طامن الجال
آنا فيه مَسْمَع هرجة القال والقيل=أجل كيف يسمع بي صواديف الآقوال
يصدّق كلام اللي علومه سراميل=وآنا لجل عينه ماتوحّيت الآنذال
آنا اللي تجرهدت الدروب المسافيل=ونطّيت من شانه على النايد العال
هجرني وخلاّني آسير المناديل=شخاتير دمعي فوق الآوجان شلاّل
عسى الله يغيثه من صدوق المخاييل=ويرويه من نو الحيا وبل هماّل
وتبقى مرابيعه دماث وتساهيل=وتختال آزاهيره عقب وقت الآمحال


39
نرجسية :
يوم شفته وسط هاك المعمعه=رفرف الخفاّق وازدان القصيد
الشوارع لامشى لوهي سعه=اِتّضايق لنّه الشخص الفريد
ويش اسوّي ياحمدْ قلبي معه=اشهد إني عايش(ن) بعده وحيد
واشهد إني دون شوفة مسفعه=ضايع(ن) كلّي وحزني مستزيد
لبّى ضحكاته ولبّى مفرعه=نرجسيّة من يراعي له فقيد
أذكر الله من عيون(ن) تسبعه=يحفظه من كلّ شيطان(ن) مريد
القمر لابان يشبه مطلعه=وإن تبسّم قلت له هل من مزيد
الوصوف النادره متجمّعه=في محيّا الشادن الترف الشريد
لو يبيني أجمع الطرح أجمعه=ولو يبيني أبقى في صفّه بليد
والدواير لويقول امربّعه=قلت له لافضّ فوكَ ياعميد
ولو يقول إن الزوايا أربعه=للمثلث قلت له شي(ن) أكيد
آتغيبا وآتغيشم واسمعه=المهم أبقى معه لو من بعيد
حتى فيثاغورس لو جاه أقنعه=وراجع احساب النتايج من جديد
ولو يقول إن القصايد منبعه=الفراهيدي يشكّك في لبيد
فدوه لو دنياي صارت زوبعه=ولو يصير العمر بسبابه زهيد
ويش اسوّي ياحمدْ غصب اتبعه=كنّه السلطان واشلائي عبيد
والعواذل لو تهدّدني دعه=غير كلاّ أو لماذا ما ازيد
كل مافيني يحرضني طعه=وآنا من قبل اعرفه رجل(ن) رشيد
يعني احبّه وكل شي أصدعه=لجل عينه والمهم يبقى سعيد
دون مجداف وسواري وأشرعه=اِرتميت اِفبحره الصعب العنيد


40
ليه ؟ :
كلٍ على الجوال راسل حبيبه=إلاّ أنا محروم لا راسلك ليه
ليه الخفوق اللي يحبّك تذيبه=وإنت الوحيد اللي سكن في محانيه
رقمي ليا شفته أبد ماتجيبه=وغيري ليا شفت اتصاله تلبّيه
إنته كذا دايم طقوسك غريبه=دايم تحب اتكون ياسيّدي بيه
مغرور متقلّب ولافيك طيبه=وأكبر دليل اليوم قلبي معاديه
أوّل اعلومك باللوازم امنيبه=ياكم زهمت القلب قصدك تهنّيه
اتسابق العالم وناسٍ قريبه=واتكون الأول لجل قلبي تبدّيه
وترسل لي ابيوت ورسايل رهيبه=وإن لامك أهلك قلت فدوة مواطيه
والحين كل منّا يعاند صحيبه=بالصد والحرمان والهجر والتيه
أغراك من دس السنا بالرويبه=اللي دروب الغدر أسمى مباديه
باكر تدوّر قلبي اللي تعيبه=وتندم على مافات وتنعي لياليه
كم ليلةٍ نطّيت راس الشذيبه=أصيح بِسْمك والجلاميد توحيه
آشاكي القمراء وعاني مغيبه=واراقب الجوزاء من الشوق ياهيه
أصبحت مثل اللي جذب له جذيبه=التايه اللي شال حتفه بياديه
قد قالو اللعاب جنّب قليبه=واحذر معاويدك اتوارد سوانيه
أخلصت في حبّك وروحي صويبه=والحمد لله ماعليّه مشاريه
قلبك عسى رب الخلايق يثيبه=وقلبي عسى الله لايخيّب مساعيه


41
الشاذلية :
توصيني يالغالي وأنا العام أوصيك=وأنا اللي هويتك دون هذي وذيّه
تراني على ظنّك ولا اخلف هقاويك=لو اتقول هات الروح جاتك هديّه
قويّه عزومي وانت ربّي يقوّيك=وتبقى علاقات المحبّه قويّه
على قدر ماتنطيني يازين آبنطيك=وآبوفي لكم مادامت الروح حيّه
لأنّي أحبك يابعد قلب مغليك=ولاشوف مثلك وسط نجد العذيّه
يوم إن المطيّه نوّخت في مراعيك=الآ ليتهم شدّو خطام المطيّه
دروبي ليا غابت طيوفك مشاويك=وتبقى صحاصيح الحشى جرهديّه
واليا بانت الغرّه وعيني تراعيك=ابهّر فناجيل الشعر شاذليّه
يبين الغلا فيني ليا حلّ طاريك=ومن حولي يكشفني ليا لدّ فيّه
اقلّب رسايل واردي ميّت(ن) فيك=ماغير أنقل الجوال صبح وعشيّه
ذبحني تغنّجك وبهاك وتغلّيك=وأنا مالي الحيله ولا ماقدريّه
صحيح إنك حبيّب وأنا مغرم(ن) بيك=غرام الملوّح في هوى العامريّه
ولكن ترفقّبي عسى الله يخليك=ولا تتركن مجثي وروحي شقيّه
ترى بدنيتي مااغليت أنا كثر ما أغليك=أنا آغليك حتّى قبل تلبس عبيّه
من الناس والعربان ماحد(ن) يساويك=وزيلانهم ماصار له قابليّه
حرام القصايد دون وصفك رواكيك=حلات القصايد فيك والسامريّه
تعال اسمع آخر ما انكتب في معاليك=بيوت العتيبي فيك ياحي حيّه


42
أمطري ياسحابة :
امطـري ياسحابـة وارعـدي= واروي اللي تكاود به ضمـاه
اروي كل عرق وكل غصنٍ ندي =ساعدي اللي تعثرّ فـي هـواه
يكفـي إنـه بنـورك يهتـدي =مثل نجمٍ يشّعشع فـي سمـاه
بـدّدي حـزن قلبـي بــدّدي =واذكري قلـبٍ اهدالـك غـلاه
بـاذخٍ بالعطـايـا أجــودي= يوم غيره بخيـلٍ فـي عطـاه
يوم آخايـل مزونـك مولـدي=ويـوم تقفـي ضعونـك آه آه
كنّـهـا لاتثـنّـت فـرقـدي=تاه عـن امّـهِ وسـط الفـلاه
أيـطـلاً ضـامـرُ ُ أربــدي= مُترفُ ُ بالجـواءِ فـي خـلاه
كاحـلُ ُ دون مُقـل الأثمـدي=بات قلبي أسيـراً مـن بهـاه
كان عينـك تبـات وترقـدي = شوفي عيني منامـه ماهنـاه
الذيابـه تـهـرّول وتـعـدي=وتحيي سرمد لياليهـا بعـواه
ساعدي القلب بالـك تجحـدي =للغـلا حـد ياعيـن المهـاه
وكان تنوين هجـري أبعـدي=مـن تغـلاّ يـخـلاّ يافـتـاه
يابنـيّـه تـرانـي أسـعـدي =ماشكى الضيم من مبدا الحيـاه
مـن نوانـا بسيّـه يابعـدي =والله اليبطـي ماحصّـل ُمنـاه
مـن ربـوعٍ تـلأ لأ كالجـدي=أهل بنٍ وهيـل أهـل الصفـاه


43
المتعبي :
قال من سيّر علـى ربـعٍ كـرام = غايته من فيـض نبضـه يكتبـي
يكتـب بيـوتٍ بداهـا بالسـلام = شاعرٍ لاســـمى المعالي يطلبي
جيت لعيالٍ طحاطيحٍ احــــشام = لوتبا تاصــــل مداهم تتعبي
جابنـي شوقـي اليهـم والهيـام =قصـدي آشـارك وهـذا مطلبـي
كـان شعـري مايجّملنـي حـرام=لّعتـزل شعـري وغيّـر مذهبـي
تكفـى ياشعـري نخيتـك لاتنـام=إرقبـي جـو المعالـي إرقـبـي
خلّني فـوق السحايـب والغمـام = وخل من يسمع كلامـي يطربـي
ياوجـودي كـل مانـاح الحمـام =وجد شيخٍ صار من من وقته صبي
من هجوسٍ خلّت ضلوعي حطـام = كنّها بغداد مـن قصـف أجنبـي
الغلا فـي داخلـي شيّـد خيـام =خلّو العـاذل يقـول اللـي يبـي
أشهد ان الكون من بعـده ظـلام =وأشهد إن اللـي يزعّلهـا غبـي
دلّعوهـا أهلهـا بسـن الفـطـام = وحين شبّة أصبحت بـي تلعبـي
إيـه أحبّـه لنّهـا رمـز الغـرام = وادري إن حبّه سبا قلبـي سبـي
علّموهـا لاتكـابـر بالخـصـام = لاتطيـع اهـل النمايـم تتعـبـي
واعذابـي منـك ياريـم العـدام = واعذابـي منـك ياعيـن الظبـي
شوفي حالي أصبحت جلد وعظام =وكـان يحلالـك عذابـي عذّبـي
أبك طعناتك على صـدري وسـام=إطعنـي صـدر المعّنـا المتعبـي


44
هبوب النود :
الله أكبر كل ماذعذع هبوب النودي=يسطفق قلبي وترجف من هواه عظامي
آتلثم وآتزندّ فروتي بزنودي=مير مافادن تزرفل فروتي ولثامي
اثر بردان الهوى يبقى شقي مقرودي=دايمٍ بردان ضامي بالهوى منضامي
من قراح العد ماروى لويزيد ورودي=آرده ضامي واصّدر من ورودي ضامي
آتصبر وآتحمل ياعساه يجودي=في سباسيب الليالي شاهرٍ صمصامي
الكرى مازار جفني والعباد رقودي=بس آطالع صورته وآخايله قدامي
خاف ربك في محبك ياظريف العودي=إرفق بروحي ياروحي لاتصير إجرامي
إرفق بروحي ياروحي لاتبوق عهودي=وإنت تدري وسط قلبي لك مكانٍ سامي
من جروح الوقت قلبي دايمٍ مضهودي=وإنته البلسم لجرحي وإنته الرمرامي
لاتخليني اعاني بالهوى ملهودي=ساطيٍ ٍ ميسم صدودك في حشايه حامي
ناميٍ حبّك في قلبي كل يوم يزودي=كل يوم وكل ساعة وإنته حبّك نامي
ما الوم القلب بعدك لويبيح سدودي=لابسن حبّك وكنّي لابسن هندامي
طوّل بعادك علّيه ياعساك تعودي=شوف طير الموت فوقي ياعيوني حامي
لاتذر الملح فوق الجرح والبارودي=بعده جرح العام نازف في حشايه دامي


45
عرش النجاشي :
وينك ياناقش في كفوفك نقاريش=ياللي غيابك هز عرش النجاشي
وينك كلتني في غيابك خفافيش=قامت تمشخني جخاخ وفراشي
ارقد على جرد الحصى بالخرابيش=على بساط الخيش مثل الرياشي
ماهو فقر أو جوع أو قلّة العيش=لاشك شوفك مهجتي وانتعاشي


46
ياليل :
ياليل انا وايـاك صرنـا رفايـق=متقاسمين الهم والحـزن قسميـن
ياليـل اسمـع قصتـي لودقايـق=بس خوفي ازّود لك الهـم هميـن
ادري سكونك هم وصمتك حرايـق=وادري غموضك يحفظ السر لثنين
وّدي افضفض لك وبيّـن حقايـق=واشكي لك همومٍ بقلبي لها سنين
ياليل انا حالي من الزين ضايـق=الله بلاني بشخص ماهو على الدين
اليا نصيت الغرب ينهج شرايق=وان رحت للمغرب يّعود على الصين
عطوف قاسي والبلـى دوم رايـق=متقّلبٍ طبعـه تقـل فيـه قلبيـن
عاهدته عهود ووعـودٍ وثايـق=يصونها بالسبت ويجحد بالاثنيـن
ياليل زوله بالحسن حيـل فايـق=مثل العنود اللي ترّدد على العيـن
الخد يوضي مثل لمـع البرايـق=والصدر متخالط به الخوخ والتين
ياليل علمي به مع البـاب وايـق=ودّعتهم واقفيت والعيـن بالعيـن
فيه الحلى والزيـن لكنـه بايـق=ياسرع مايخطف قلـوب المحبيـن


47
بهرت لك حدب المحاني معاميل :
بهّرت لك حدب المحاني معاميل=وزلّيت لك من نبض الأشواق دلّه
ماغير أنا والليل والثالث سهيل=اقلط ترى مليت غنج وجبلّه ..!
كم لي وانا آخايل طيوفك تخاييل=بصبي عيني صورتك مستقلّه
كم لي وأنا آحايل ظروفي تحاييل=وانته سيوف الهجر دايم تسلّه
يسريبي الهاجوس مع رهبة الليل=اطوي شريطٍ قد مضالي وافلّه
يوم السوالف بيننا والتعاليل=يوم الهوى مابين خلٍ وخلّه
تطري علي لابِهّر الكيف بالهيل=ولاهيجن الجمّال لعيون بِلّه
ولاجاذب المعواد صوت المحاحيل=ولاداعب النبنوب ورده وفلّه
انته غناتي بالسنين المقابيل=وانته صباحات الشروق المطلّه
ياللي هدبك الخرس سودٍ مظاليل=من شاهدك لوهو شجيعٍ تذلّه
لولاي أحبك مازعجت المراسيل=وسامرت نجمات السما المسفهلّه
وحاربت جلسات العرب والتعاليل=وشريت مجلاسك عن الناس كلّه
ذللّت لك جزل التماثيل تذليل=وظللتك بحبٍ تفييت ظلّه
ونحت لك بقصى الضماير تماثيل=وبنيت لك في داخل القلب فلّه
اشكي عليك الحال يانافل الجيل=انته تعرف العلم دِقّه وجِلّه
كلّه على شان الوفاء والمواصيل=بيدك تعقد الحبل وبيدك تحلّه
ماغير أنا والليل والثالث سهيل=اقلط ترى مليت غنج وجبلّه ..!


48
ماني مصدق :
ماني مصدّق يجافيني وينساني=عقب الغلا والهوى والشوق واشجانه
أول من الشوق والأشواق ينصاني=سبحان من بدّل الأحوال سبحانه
بالصد والهجر والحرمان يجزاني=مايرحم اللي عليه الروح ولهانه
كنت اتمناه يوم انّه تمناني=يوم اني اغلا على قلبه من أخوانه
يوم انه لشوفتي شفق(ن) وطرباني=ينسى ليا شافني حيّه وحيانه
إن غبت ساعة يدورّني ويلقاني=وافين يوم الزمن داين وديّانه
اتعب على شانهم ماهو على شاني=أرخصت روحي وذقت المر بلوانه
خلّيت كل العرب طامح وطنياني=لوصار ماصار فدوة داعج اعيانه
ياما تمثلّته ابشعري وقيفاني=وعسفت له مهرة الأشعار وحصانه
قطفت له من فياض الحب ريحاني=وظللّته ابدوحة الأشواق واغصانه
وخلّيت له خافقي روض(ن) وبستاني=يقطف على مايبي توته ورمانه
والحين مايلتفت لامن تعداني =وامن أول(ن) ينتشي لاجيت بوزانه
يرضى علي الضحى والعصر زعلاني=مشكلته إنّه يطاوع هرج شيطانه
مشكلته إنّه يطاوع هرج عدواني=ناس(ن) على شبّة النيران طربانه
خلصت من جملة الأحباب ياخواني=الحب كم كم وكم قاسيت نيرانه
والحمد والشكر لله بوّل وثاني=وسبحان من يعلم الأسرار سبحانه


49
ياقو صبري :
ياقو صبري في تحمّل تغليك=تزعل وترضى والدلع من صفاتك
تقلب علي دنياي وتقول مابيك=واموت لجل اكسب رضاك وغلاتك
صح انك حبيّب وأنا مغرمٍ بيك=تفنى حياتي لجل تبقى حياتك
لكن ترفّق بي عسى الله يخليك=ترى خفوقي مرتعه في فلاتك
في دنيتي ما اغليت أنا كثر ما اغليك=اغليك حتّى قبل تلبس عباتك


50
الصد :
ياللي تريد الصـد صـد وتغـلاّ=لابوك لابو من ترجـى وصالـك
أنا هويتك صدق وانتـه تسـلاّ=واليوم يالمغرور سـو مابدالـك
اليوم بان الغدر وزيفـك تجـلاّ=طعنـت يالغـداّر قلـبٍ وفالـك
اللـي يتغلّـى ياحبيبـي يخـلاّ=ياما نصحتـك لايغـرّك جمالـك
خلاص قلبي من هوى الغدر ملاّ=لاواحسايف قلبي اللـي صفالـك
ياماخفوقي في غرامـك تصـلاّ=وياما مشينا في دروب المهالـك
أرخصت روحي وإنته دايم تعـلاّ=مغرور أناني ماتبي كود حالـك
هيهات أنا أطلب رجعتك لي وكلاّ=تعرفني مرضى الهون .. أليسا كذلك ؟
طعنتني واسقيتنـي سـم صـلاّ=ورثيت نفسي مثل ماقـال مالـك
عساك ُتبلى فـي جفـولٍ تـولاّ=وتّجرب الحرمان باصغر عيالـك


51
نفس بقعاوي :
ماقلت لك ياعديل الروح=ذيب الجفى بيننا عاوي
ارحل مدامك نويت اتروح=اسري مدام القمر ضاوي
كانك تبي تبتعد مسموح=عندي ترى الوضع متساوي
اصويحبك يالغضي طحطوح=وش عاد لو كان فوضاوي
نسيت اخبرك يالمملوح=نفسي ترى نفس بقعاوي


52
أبو شهاب والشات :
ياليتني مادخلت الشات=ولاتعلقت في ساره
من غنّجها تعشق الموضات=واتحط ربطه مع إسواره
اتموت بالجنز والكنزات=تلبس من الغنج نظّاره
فطورها الشيبس والكتكات=وان كثّرت تاكل خياره
أدخل على رومها بسكات=واجيلها واخذ أخباره
آغار لاكثرت النّكات=من حولها وأقلب الطاره
مجنون صامل ولي نعرات=لامن زعلت إعلن الغاره
تنصت ليامن حكيت أصوات=كني أبوشهاب بالحاره
في صفحة المجد له وقفات=يموت ماينتقص جاره
ولي في دروب الهوى صولات=شاعر ملأ الكون باشعاره
صحيح هادي لكن هيهات=ماحب أنا الغدر وأدواره
مراّت نكّه صدى الآهات=ومراّت سارة ونوّاره
مشكلتي أرضى ليامن جات=تستسمحن وأقبل أعذاره
نصيحتي لاتقربون الشات=وطشّو الماذربورد والفاره
لايغرّكم شات وافلاشات=وبنت(ن) على النت دواّره
قزرّتوا الوقت بالساعات=حتى الفجر بانت أنواره
الى متى والعمر لحظات=ماكن للذنب كفاّره ؟؟
توبوا قبل هادم اللذات=يصبّح العبد في داره !!
وعودوا إلى غافر الزلاّت=وعوذوا من إبليس وأشراره
هذا كلامٍ لكم بالذات=قصدي أحذرّكم أخطاره
وإلاّ أنا مادخلت الشات=ولاتوغّلت بأغواره


53
بنت أبوها :
حي الله اللي لاحكت تهمس بهـون=مدري خجـل والا الاهـل راقبوهـا
يسعد صباح اللي حكـت بالتلفـون=لّبـا فـؤادي صوتهـا لعنبـوهـا
هي حركّة قلبي وهو بلحظة سكون=تكـفـون ياعذالـهـا جنبـوهـا
خلوها ترتع داخل فـؤادي وتمـون=شوفو ضلوعـي باللقـى طالبوهـا
قلبي عليها ضامي الحـب مفتـون=قصة هوانـا بالصحـف اكتبوهـا
قولو علينا بالــخفى ماتقولـون=اعـلا مابيـن اخيولكـم اركبوهـا
اشقر رشيق القد والمـوت بعيـون=أنا اشهد ان الروح مّنـي انهبوهـا
ارموشها رماح الزناتـي بكالكـون=غنايـمٍ بقصـى حشايـا كسبوهـا
اليا تثنـت كنهّـا غصـن زيتـون=وخدودهـا ورود النفـل داعبوهـا
تجتاحني من صوتها حالة جنـون=وترتاح نفـس ٍ ربعهـا حاربوهـا
ادعج غنج بعيونها السحر مكنـون=طيرة بحر علـى التـرف دربوهـا
مرهون قلبي في هوى الزين مرهون=تكفـون ياطيـور الوعـد قربوهـا
قولو لها كثر الجفـى زّود طعـون=وعلـى التجافـي والبعـد أنبّوهـا
تعجبني في مزحه وجّـده وتـدرون=بالمختصر هي تعجبا ً كـل ابوهـا


54
الشك زايل :
معزتك عندي ترى مالها نوع=ومكانتك بالقلب محدٍ لقاها
وغلاك في روحي ترى صار مزروع=حتى المشاعر ترجمت لك غلاها
أنا وقلبي والأحاسيس لك طوع=والروح لو راحت من أجلك فداها
الشك زايل ياعميلي ومنزوع=عان المشاعر بيّنت لك خفاها
تبقى الحبيب اللي به الراس مرفوع=وتبقى عديل الروح وتبقى نماها
معزّتك في داخل القلب ينبوع=يسقي عروق القلب ويروي ضماها


55
اتصل :
ماخطر لك تعبرني ولو بإتصال=او رسالة تداوي المستهام العليل
إتصل طمن القلب الشقي لو سؤال=خل احس في حنانك لحظة ٍ يابخيل
تدري من دون صوتك دنيتي بإختزال=ضامر ٍ شاحب ٍ والقلب مثل الفتيل
لاتقاطع وتجحد يوم شفي وصال=اِلطف بحال من سوّى لك المستحيل
إيه أحبك أحبك مابهذا جدال=ومستحيل ألقى غيرك أو أدوّر بديل
آه واجظِ قلبي كان وصلك محال=جظِ قلب المهلهل من اخوه القتيل
لاتغلّى وتكبر يكفي غنّج ودلال=روف يالحاكم الطاغي بعبد ٍ ذليل
ذله الحب والحب ذل قبلي رجال=الهوى لاسطا سيف ٍ وحده صقيل
محكمتك التعيسه جور وزور وضلال=كنّها محكمة صداّم وأهل الدجيل
عيبي اني رضيت أعيش وسط الظلال=ويش اسوي وحظي كل يوم ٍ يميل
وعيبي أني صِدقت ودنيتي بإحتيال=واقعي زاد حملي لين أصبح ثقيل
يانسيم الليالي ياهبوب الشمال=انحروا دار خلي لانحرتوا سهيل
وصلوا له سلامي والبيوت الجزال=ياعسى قلبها القاسي يلين ويميل


56
دردشة ماسنجر :
على الماسنجر تقبل افلان وافلان=وإلاّ أنا بالقائمة حاضرتني
ياشين طبع الآدميّة إذا خان=ياليتها من قبلها علمتني
قلت أختبرها دام طبعه معي شان=وآجسّها مادمها سافهتني
بإميلي الثاني أضفته على شان=أكشف خفاي البنت يوم اجحدتني
ماكنت أصدّق لين شفته بالآعيان=سويّت إضافه واقبلتها وجتني
ام العيون السود والرمش سردان=اللي خذت قلبي ولا وادعتني
تتقمّص الأدوار بشكال وألوان=أنا اشهد إنّه بالهوى جننتني
غطّت روايتها على جون فالجان=ممثلّة بإدوارها سولعتني
ابموهبة جولي وبيرتي ولوهان=بهليودها كم ليلة(ن) هولدتني
أوسكار تاخذها مثل شرب فنجان=هاله من الإبداع كم سهّرتني
في شرعها جرح المحبين نيشان=يبلاها ربي مثل ماهي بلتني
ياقلب لاتشفق عليها وتنهان=ياقلب بعها دامها بايعتني
ولاتامن الأيام لو كان ماكان=ماتشوفها من غدرها دوبحتني
نزّهت نفسي عن هوى كل خوّان=طبعي كذا لو الليالي عصتني
ترى الوفاء في هالزمن ماله أعوان=شفني صدقت ودنيتي ما انصفتني
الحب مثل البيت له ساس وأركان=هذي نصيحة دنيتي درستني
" أكبر خطى بني(ن) على الطين بنيان "=حكمه قريته من قديم أعجبتني
تسبرني الأقدار والحظ صوّان=وعزمي قوي مير العنى هد متني
تمتمت موال(ن) تغناّه فناّن=" آهات من طول العنى طاولتني "
مانيب متضايق ولانيب زعلان=دنياي ياما بالفرح نازعتني
على الماسنجر تقبل افلان وافلان=وإلاّ أنا من كيدها حاضرتني


57
موقف في شات :
مادخلت الشـات لعيـون البنـات=لا ولاجيتـه مهـايـط يالغـبـي
شاعر آجيـد الصبابـه والبيـات=والنوى من عـدّ نبضـي يشربـي
إن ضربت الصلد عوّد لـي فتـات=وإن صفعت العز يرجع لـي حبـي
كان بالسوبـر توّشحـت العبـات=وصـرت تفعـل ماتريـد وماتبـي
بيوم وليله صرت سوبر وسط شات=وذا طموحك ياعريـض المنكبـي
يالضرير اللـي تخبّـط بالعصـات=ضايـعٍ شـارد ولالـه مذهـبـي
مجدنـا عـدّا النجـوم العاليـات=وصيتنا شعشع شموس وكهربـي
ماكري يالهيس بـروس النايفـات=مادرينـا عـن جخـاخ وجندبـي
أدري لوجيتك تضيق اِبك الجهـات=وماتقـاوم يالـجـراده مخلـبـي
آنـا حـرٍ فـي مراقيبـه يـبـات=وانت هـرٍ وسـط خينانـه ربـي
في دهاليزك وقوتـك مـن فتـات=حقك وماجاك وهـذا اللـي تبـي
عزّي يانسل الرخامـة بالصـلات=وعيبـي إنـي شاعـرٍ حـرٍ أبـي
ماألـدّ لمهـاتـرات وجعجـعـات=واضحٍ شامخ وأنـا خـال النبـي
وإنت خلّك وسط شات ومعجبـات=والله يهنّيـك فيـهـن ياصـبـي


58
رمضان ( فصحى ) :
حييت ياشهرٌ حوى القرآنَ=أقبلت تغدقنا منىً وأمانَ
هَتفَت بمقدمك العبادُ وهلّلت=شكراً لمن قد أنزل الفرقانَ
فيك إنتصارات الأوائل دوّنت=مجداً يردّده المدى أزمانَ
بدرٌ ويومُ الفتحِ والزلاّقةُ=والقادسيةُ يوم سعدٌ بانَ
والباقيات الصالحات تموسقت=بِك يافناراً شعشع الأكوانَ
طوبى لمن شد الإزارَ بمقدمك=وأقامَ ليلك يطلب الرحمنَ
رمضان يارجوى الغشوم الآثمِ=ياطهرعبدٍ قلبهُ قد رانَ
رمضان ياصبحاتِ فجرٍ باسمِ=فيك المفرّطُ شفّه الغفرانَ
دحرت أشباح الزراج وجنّها=وتركت ابليس الرجيم مهانَ
يارحمةً للعالمين تناثرت=إكليل نورٍ أنقذ الإنسانَ


59
أنا والراقصة ( فصحى ) :
توّشحنا الـدروعَ ولـم تقينـا=فلم نعلم بـأن المـوت دينـا
إذا مالت حسبت الأرض مالت=بخصـر(ن) خلتـهُ أعــذاق تينـا
خمائِصُها بألـوان الشمُوسِ=عساجد من دمقـس(ن) تهتوينـا
مشـنشلة(ن) بيـاقـوت(ن) يمـاني=وخـِلخـال(ن) يـرنُّ بـِها رنـينا
وفـرع(ن) يشبهُ الجمّارَ أدمـا=كـأيـوان(ن) يـسّـرُ الناظـرينا
ونـِهد(ن) مثل تـاجِ الهرمـزان=تـخـرُّ لـهُ البطارقُ راكعيـنا
وساريتانِ أعيتـها الـروادفُ=تُميـلُ إذا استمـالت أربعيـنا
برقصتها الغـواني سـامدات(ن)=ومن بهرج شموسها يتـقينا
كـأنها حية(ن) بالبستِ تسـعى=تزاوغها عيون الكـاهنينا
قضيـنا ليلة(ن) عن ألف ليـلة=على تلـك الأرائـكِ ناظريـنا
على أرضِ السبارس قد أقمنا=دخـلناها دخـول الفاتحيـنا
إلى أن لامني صحبي وقالوا :=أبيـت اللعـنَ إنّا قد بُليـنا
بصمصام(ن) يجذ القوم جذ(ن)=هَوَتْ منهُ الجماجـمُ وارتمينـا
بلينا بصارم(ن) صالا وجالا=كعين القطر صلب(ن) لايلينا
فأدركنا بـأن المـوتَ حـق(ن)=وأن المـوتَ للمـرءِ يقيـنـا
نعاني من زمـان(ن) قـد خذلنـا=وسيّـور الليالـي لـم يفينـا
فنحـنُ المبدعـون إذا كتبنـا=كرام(ن) بالجـزالـةِ كاتبيـنـا
ونحنُ المُبهـرون إذا نظمنـا=فلن نُصغي لقـولِ الجاهلينـا
ونحنُ المُبحرون بكـلِ بحـر(ن)=فكـل(ن) قـد ملأنـاهُ سفيـنـا
ونحنُ الرافضـون إذا رفضنـا=ونحن الراغبـون إذا رضينـا
ونحـنُ الهائمـون بكـل واد(ن)=يُتابعنـا الغـواةُ مصفّقيـنـا
فَنُسمِعُ إن سجعنا الصوتَ صُم(ن)=بإشعار(ن) يشيـب لهـا الجنينـا
بهرنا ذى اللّبابةِ حتـى جُنّـا =واضحى مع جموعِ المُعجبينـا
كـلابُ الحـيِ إن بنّـا تفـرُّ=أشاوسة(ن) ونخدرُ في العرينـا
ألاَ أخبر لبيـدا(ن) وابـن سلمـى=وأعشى قيس اِبـن الأكرمينـا
واِبن العبدِ والملـك الضليلَ=بأّنـا مـن فحـولِ المبدعينـا
مع الحارثِ ومع عمر(ن) وعنترْ=بإشعـار(ن) تسـرٌ ُ السامعيـنـا
فنكتبُ إن قرضنا الشعرَ سحر(ن)=ويكتبُ غيرنـا غّث(ن) وطينـا
إذا خضنا عُباب الشعـر فزنـا=آواخرنا تنافس أولينا


60
وقوع السمهري على رأس السامري " الهزبر حيدرة والعبسي عنترة " ( فصحى ) :
سلامٌ على دار اللواء وأهلها=من ديدبانٍ هيدبانٍ أركمِ
هل غادر الشعراء من متردمي ؟؟=بل تنصت الشعراء عند تكلمي
سيلٌ إذا نضبت قصائد ساحتي=بحرٌ إذا شحّت بحور القلزمِ
مخطوطة العهد القديم بحوزتي=ومسبح بابل لايفارق معصمي
استبشروا أهل السماء بمولدي=وكادوا لي أهل الأرض كيد مُذمّمِ
زُمّلت في التابوتِ خيفة كيدهم=وبُخّرت في مهدي بعطرٍ منشمِ
داهية ابنة لاهية قرأت يدي=بغلسٍ من الليل الأليل العيسمِ
وأهدت لي الطلسام يوم وداعها=وهي تهمهم في كلامٍ هينمِ
وأدّت طقوسها لي بليلٍ حنّدسٍ=وهُرعت ملوك الجن حين تقدمي
وأذّن برديسٌ بأُذني قائلاً :=حيّيت ياراع الحصان الأدهمِ
غيثٌ إذا مالوقت كشّر نابهُ=ليثٌ إذا حامت نسور القشعمِ
اسكب ماء الخلد في قنّينتي=واحفظ أسرار الخليط بقمقمي
كأن دواة الحبرِ دوْرق كاهنٍ=والزاج أسود من جبين الأشرمِ
وأنقش في ريش النعامةِ قصّتي=وأنسج من خيط العناكب طِلسمي
احتارت الثقلان من شعري فما=ذنبي إذا جهلوه جهل الطمطمِ
أملح من ماء البحار مضاضةً=واعذب من ماء الفراتِ وزمزمِ
قولي لهم يافلوة هجّاد الوغى=كيف وطأت الناشزين بمنسمي
قولي لهم إن الملوكَ السبعةَ=تلوذ إذا حمي الوطيسُ بهندمي
قولي لهم إن اليراع بخنصري=يُضيء فراديساً بليلٍ أسحمِ
قولي لهم إني رجمت السامري=ودحرت لاقيساً وأم المدلمِ
فكم لاذ في جلبابي من متجلببٍ=وكم جيلبوتٍ هاب طيش عرمرمي
لكن أبراجي تداعت كلّها=من يوم مافاخت أم الهيثمِ
أقرع أقداح الصبابة والنوى=العمرُ بعدها مثل حب الخمخمِ
والقلبُ سندانٌ يكابد ناره=وخرتٌ لأشباحِ الزراج الدمدمِ
وليلي تطاول حتّى ذابت شمعتي=وبتّ مع الليل البهيم المظلمِ
أكتب أبياتٍ وأبياتٍ بها=طرسها من قلبي وحبرها من دمي
أُزجي لها كتب الغرام مؤمّلاً=عساها تحسّ بعاشقٍ متألمِ
فليت عيون الفرقدانِ الشادنِ=تجبر كسر المستهام المُعدمِ
ترفل في ريش النعامِ بخدرها=وعيني تسامر من قذاها مرسمي
فكري تقسطل من لجينٍ عيطلٍ=أسيلٍ تُماضر في بهاء التركمِ
أغار من السحل المُمّدد فوقها=كذلك من روجٍ تناثر في الفمِ
وسمط ٍ يحاكي جيدها نُظمت بهِ=أحجار ياقوتٍ كريمٍ عندمِ
تُبارز ألوية الخميسِ برمشها=وتقصد عينيها قبائل جرهمِ
في عينها اليسرى طلاسم ساحرٍ=وفي عينها اليمنى كتائب سالمِ
وخدّها خِدر الكهرمانة شهرزاد=وحجانها كالقرطيان الصمصمِ
وركاءُ عجزاءٌ هضيمٌ خصرها=عنقاءُ بلقاءٌ كصافنِ حاتمِ
كشحٌ إذا قامت تثاقل وركها=أُعيت بمكأمةٍ ووركٍ مجرمِ
يستنفر الخصر المهفهف ردفها=صهابيةٌ غُسلت بماءِ العظلمِ
أعجازها قُببٌ وصدرها جوهرٌ=يشعشع في قصر البلاط الهاشمِ
أسياد أبطحِ عبقرٍ سحمٍ أتوا !!=عشاءً تواسيني بليلٍ هيقمِ
جاؤوا إلى الكهل المعظمِ عنوةً=وذاكَ عزاءٌ للهزبر الضيغمِ
بعثت لبلقيس الغرامِ هداهدي=فطالت على اِبن الكريم الأكرمِ
فزجرت أسراب النوارس والقطا=فعادت لي في ديجور ليلٍ أجهمِ
تقول بأن الحنبلية لاتزال !!=على العهدِ لم تنقض عهود المسلمِ

 

 

 

 

 

 

 

 

 

 


التوقيع


صَفحَتي عَلى اَلفيْس بُوك
مُدوْنَتي
حِسَابي فِيْ تويْتَر

 

   

رد مع اقتباس

قديم 08-03-2010, 09:56 PM   رقم المشاركة : 3
معلومات العضو
نايف العبيد
ساحر الشعر
 
الصورة الرمزية نايف العبيد
 

 

إحصائية العضو








نايف العبيد غير متواجد حالياً

 
آخـر مواضيعي

المستوى: 32 [♥ Bأ©-Yأھu ♥]
الحياة 78 / 784

النشاط 474 / 16287
المؤشر 36%

إحصائية الترشيح

عدد النقاط : 25
نايف العبيد is on a distinguished road

 

 

افتراضي رد: ديواني وإيواني


 



61
يزورني طيفك

يزورني طيفك مع الليل ساري = واشم طيبك والمحك طيف وأحلام
اصيح بسمك واحسبك لي مباري = اسمع صدى صوتك وآخايلك قدام
تغرني دايم طيوف الغداري = افز واعي واكتشف كله أوهام
من فرحتي ناديت بسمك اجهاري = فضحت نفسي والمخاليق نيّام
أسهر على شانك ولانته بداري = أرقد دقيقه وأكثر الليل ما نام
يطري على طاريك مليون طاري = شاعرك من زود التباريح منضام
أفراح عمري مثل شمس العصاري = ياسرع ماتغرب وتاتيك بعسام
صبري قضى من لوعتي وانتظاري = تكفى ترى حالى غدى جلد وعظام
قربك هناي وغيبتك إنتحاري = أرجوك لاتبعد ترى بعدك إعدام
شوفك سحايب ترتوي به دياري = وش عاد لو شوفك من العام للعام
شوفك مثل شمسٍ عشقها نهاري = تشرق على كل الكواكب والأجرام
حبك نهر وسط الشرايين جاري = حبك سحر عيّشني في غي وهيام
تفرك يميني يوم أشوفك يساري = وآعض لامنك تثنيت الإبهام
ياللي شعرك الليل فيه المساري = من شاهدك لو يسهر الليل مايلام
مثلك أبد ماشفت يابو خزاري = ياناقض المرجود يالابس زمام
انته غرامي غايتي وإختياري = يشهد على ماقول حبري والأقلام
مهما تغيب وتبتعد عن مساري = تبقى مواثيق الغلا طول الأيام


62
فرصة سعيدة

فرصة سعيدة يوم بالباب مريت = ياناقشٍ بالكف خمره وحنّا
شفت الحواجب والنحر والتواليت = اللي على الخدين قام يتثنّا
ياما على شانك من الدمع هلّيت = وياما عيوني بالدموع اغرقنّا
ارحم وانا بعطيك وان كان ما اعطيت = جعل الخساير عندكم يكسبنّا
أنا اللي عن بذل العطاء ماتونيّت = لو كان موتي لجلكم ما تونّا
أهديت لك زهرة حياتي ومدّيت = واقطف على ماتشتهي ماتمنّا
والله لولا شوفتك ماتعنّيت = وش عاد لجلك خافقي لوتعنّا
يامرحبا ياللي مع الحي طلّيت = تفداك عينٍ بالكرى ماتهنّا


63
بمناسبة مهرجان حلوة بقعاء 1430هـ
هُنا الأبيات كانت ترحيبيّة :

مهرجان الحلوة ابعيد فطر المسلمين = عاد عيدك يابلد كل حول وكل عام
جيت أرحّب واحتفل بالوفود الحاضرين = في ذرى بقعاء صفاة اللوى دار الكرام
ياهلا يامرحبا بالضيوف الغانمين = عد ماترعد بروق السحايب والغمام
جيّت الآجواد في حفلنا شيٍ ثمين = القوافي والمشاعر معاهم ياسلام
اهتفي ياديرتي بالجموع الزايرين = وافرحي يالابتي من خوال ومن عمام

وهنا قصيدة الحفل :

تبارك اللي أنزل القراني=الشافي الكافي عليم النيّه
الواحد اللي ماينوبه ثاني=اللي رفع فوق السما كرسيّه
ومن بعدها بسم الله الرحماني=قدام أصوغ أبياتي الشعريّه
قم ياقصيدي وادحر الشيطاني=نبي نخوض الساحة الشعبيّه
الشعر شعري والحصان حصاني=ومحضّرٍ بالمهرجان ألفيّه
في حفلة الحلوة بنيت أوزاني=والله يساعدني على القافيّه
ليلة فرح تزهابها قيفاني=وبقعاء بكم يا أهل الوفاء مضويّه
بقعاء دياري زينة البلداني=بسهولها وجواءها السحريّه
معذور لو أبقى بها هيماني=دار الكرم ومحافظة عصريّه
والليلة الكل استعد فرحاني=بالمهرجان اللي تزايد ضيّه
حتى المزارع شايشٍ طرباني=كنه مزاين والتمر منقيّه
الله يساعد من دعم يا إخواني=(علي) ومن باشر على القطيّه
والله يعز المملكة أزماني=الدولة اللي مانلاقي زيّه
دار السعود اللي تفك العاني=وتزبّن اللي جالها رجليّه
اتندّد الإرهابي والعلماني=وتحارب الإلحاد والقوميّه
اتعامل الإنسان بالإحساني=بالسلم سلم وللعدو حربيّه
العود أسّسها ونعم الباني=على تقاليد النبي مبنيّه
دار السلام ومنبع الإيماني=المملكه من ربّها محميّه
مليكها نعم المليك إنساني=الله غرس في قلبه الحنيّه
والنايب الثاني معه سلطاني=للضد يرسل غارةٍ جويّه
وزير جيشٍ للبلد متفاني=طريدته من بندقه مرميّه
على المعادي داهيه عدواني=وعلى الخوي ديمومةٍ وسميّه
أبو الهجافا مسقي العطشاني=منهو عناله حاجته مقضيّه
حبيت أشارك فرحة الأوطاني=في رجعته سالم لنا عيديّه


64
مجاراة لقصيدة الامير خالد الفيصل ( المعانات )
اسندتها على صديقي الشاعر محمد بن مطرود الشراري :

ياليل حضّرت القصايد والأبيات = وانته نديم الحرف وانته خويّه
ياليل بكتب لي بيوتٍ مقفّات = والعب على المسحوب والسامريّه
قصدي أجاري بالقصيد " المعانات " = قصيدةٍ فيها المعاني قويّه
شاعر وأعاني واشعر إب بعض ضيقات = وازفر سديم الوقت صبح وعشيّه
ياليل فيني من همومي علامات = وفيني من أيام الشقى ألف كيّه
وياليل في خدّي من الوقت شارات = أضحك وآجامل والمآسي خفيّه
وياليل في عيني من الحزن عبرات = مدامعي ياليل دايم هميّه
ياليل فارقت الفرح والمسرات = وفارقت سهرات الليال الهنيّه
ياليل جرمي تاه بين المجراّت = مايعترف في قوّة الجاذبيه
ويامحمد المطرود راعي القريات = ياللي علومك يالشراري نديّه
أنا أفتخربك ياسليل الشرارات = لنّك نقيّاً من ربوعٍ نقيّه
عطني علومك يازبون المخلات = ياصيرميٍ من ضنا صيرميّه
تطري علي لاجيت أخط العبارات = ولاجيت أبهّر دلّة الشاذليّه
حبّيت أجاري دايم السيف بالذات = واخشرك فيها دام الأشواق حيّه
لنّك من ربوعٍ مثل آبانات = منقع ندا من قبل تخلق طميّه
ومن قبل ما اختم قصّتي والمجارات = صلّوا على طه شفيع البريّه


65
رد الشاعر محمد الشراري على قصيدتي السابقة :

ياليل خاويت الشقى والمسافات =كم ليلةً تبكي همومي عليه
ياليل بشكيلك همومي بالأبيات =وأجاري اللي قصته سرمديه
فيها سؤالا حار كله معانات=يشكي صدى صوت الحياة الرديه
ثوب اليتيم اللي قصر بالمقاسات =لا تسأله ما دام ثوبه عطيه
اليتم لو يرسم ورود وعبارات=ماهو دليلاً للحياة الهنية
الورد لو غلف بوسط المحلات =ما هو مثل ورد الفياض العذيه
يعني يغطى دمعته بابتسامات =الواقع المؤلم جروحه خفيه
أنا من دروب الحزن كلي أشتات =أرسم غياب الشمس وقت المسية
لوحة حزن تحمل فراق ومتاهات=الدمع بللها وصارت نديه
سلام يا حراً تعلى الطويلات =شبلا رقي للمجد والمجد زيه
من ساس عتبان وشموخ البطولات =متوارثين الطيب هو والحميه
وأنتم هل الهيلا ولابة مروات =شرب المصايب دلتاً شاذليه
تشهد لكم صفر الخيول المحنات =والسيف والقرطاس والمهمهية
صغيركم مثل البحر والمحيطات =وكبيركم مثل النجوم العليه
وأخص أنا نايف زبون المهمات =ابن العبيد اللي افتخر به خويه


66
في رمضان ( فصحى )

رمضان ياشهر الصيام = أغدقت قلبي بالوئام
عادت بعودتك الحياة = كالنور في جنح الظلام
ضيفاً عزيزاً لاتزال= تأتي لنا في كل عام
تأتي لتمنحنا الأمل = نرجوا لقاك على الدوام
أنواء نورك أشرقت = على الخليقة والأنام
أقبلت بالأجر العميم = والخير يارمز السلام
رمضان يانور الدروب = رمضان يابدر التمام
منك الغني إستدرك = صبر الفقير على الطعام
يارحمةٌ قد أنزلت = أضنيت قلبي بالهيام
رمضان ياخير الشهور = حيّتك أسراب الحمام
أهلاً وسهلاً قالها = سرب الحمائم واليمام
البنتُ والطفل الصغير= حيّوك ياشهر الصيام
البنتُ هنّت أختها = والطفل يضحك بإبتسام
والكهل مشتاقٌ إليك = شوق الصحاري للغمام
والبيت مشغوفٌ طروب = الكل يبدوا بإنسجام
والمؤمنون بمقدمك = أحيو أليلك بالقيام
شيباً وشبّاناً شباب = أدّو الصلاة مع الإمام
حتى النساء توافدت = على المساجد باحتشام
بدّل حياتك يا أخي ؟ = أقبل لربك بإهتمام
جدّد حياتك وارتقي = إلى الأمام إلى الأمام
طوبى لمن صام وقام = وطاف بالبيت الحرام


67
ساحر الشرق العماني :
ساحر الشرق العماني أرسل ملوكٍ ثماني داهموني في مكاني حضّروا عندي عصير=جوني من شرقٍ وغربا يضربون القاع ضربا بين جلديّة وجربا قالوا جيناك بخبر
نقوةٌ ملوك غطارس حضّروا من أرض فارس معهم سيوف ومهارس والزبرجد والحرير=قاصديني في مهمّه من عصورٍ مدلهمّه طلسموا طرسي بغمّه ليلة الحادي عشر
أقبلوا مثل الغمامة دهمٍ بغلس وجهامة قيلهم يلبس عمامة يمتطي ظهر البعير=يالفى ليتك تشوفه يوم يقرع لي دفوفه أبرصٍ يخفي كفوفه أشرمٍ أزغر عطر
يالفى سكني وجني مسلمٍ شيعي وسنيّ لوتشوفه تستجنّي أو بعد عقلك يطير=أبشع من الداب صوره ينفث النيران زوره تصعطك ريحة بخوره غيمةٍ مابه مطر
أرمدٌ ينفث رماده حاملٌ معه القلاده تحكي عن قصة بلاده قال خذها يالأمير=قلت له مالي وماله دوّرو صاحب جلاله قال لي فيك الدلاله وارثٍ ذاك القصر
قد أتيناك بصحيفه قرطستهالك كفيفه كاهنة حمّير طريفه قبل أن يُخلق زهير=قلت مدّولي كتابي وانفضوا عنّي ترابي واسمعوا باقي جوابي يامراسيل البشر
قرّبوا طرسي وزاجي دامني قيل الزراجي حاملٌ سيف الخفاجي عامرٌ ذاك الشهير=تعرف أهل النوق وسمي مُعترِف خصمي بقسمي نايفٌ معروف اِسمي من لوى بقعاء شهر
مثل ابن الحوفزان من أساطير الزمان رد جيش المرزبان يوم ذي قار المرير=أجذب الشعر بعنانه حاكمه مع موبذانه شاربه شرب إستكانه ليت قومي تدّكر
هزبرٌ سيضم وزافر قاهر أقزام وسنافر شوكةٌ في حلق كافر لايجاريني جرير=شايلٍ بالكف رايه ماجداي إلاّ جدايه سبعةٌ ساروا ورايه خلّدوا فيني شعر
شاعرٌ يبدع فرايد ماشقى بأهل الجرايد فوق هام المجد نايد ماسكن بير ومحير=إيه أنا اللي صنت قافي عن هواذير الخفافي حالهم حال الهرافي يالفى وإلاّ البقر
ينقدوني يشتموني يلعنوني يلسبوني أدري عنهم مايبوني لاصغير ولاكبير=مير أنا مالد فيهم كل ماقالوه فيهم وآعسى الله يقتفيهم بالزلازل في سحر
يامزلزل قوم هود من بنو صخرِ ثمود داحر أحبار اليهود أنت لي نعم النصير=أحصهم ياربي عدّا من حكابي أو تعدّا أو تعشّى أو تغدّا اِنتقملي يا أبر
ليمتى وآنا أجامل يالفى والنور خامل مالقيت اليوم صامل لاضويل ولاشوير=ناسٍ اتجمّع قشوشه طبعهم طبع الدحوشه تخدم العفن لقروشه مالهم عندي قدر
يالفى والوقت ساطي ماصفى للدمرياطـي سافـلٍ ملعـون واطـي مـن يثـار ولايثيـر=صارت فروخ الثعالي تدحم أصحاب المعالي والزحازيـح الرجالـي مالهـا بطـن وظهـر
جلستي خالي خلاوي يالفى والنجم ضاوي مبعدٍ عن كل غاوي عندي تسواله كثير=خايعٍ والجوغايم بين هوبان وقوايم تسوى جلسات الرخايم والهلايم والغجر
آه من دنيا غريبه في حقيقتها مصيبه من وثق فيها تصيبه ماصفت لإبن الزبير=في تبهلاله بغيضه من تبسمّله تغيضه ريفها يقفاه قيضه عافها حتى عمر
صرت في دنياي زاهد مُعرضٌ عن كل ناهد أشدخٌ أغلب مجاهد عالني ربي صغير=من وأنا طفلٍ رضيع عالي الهمّه رفيع لاينازعني شجيع وحدي عن ميّة نفر
حصنتني حيزبون ورقاني أرطبون بالصمد والكافرون فوق قبقاب وحصير=دنيا زاد المزدكيّة عن فصول المسرحيّة أخبرت نوت القضيّة وابن يقضان انتحر
أذن المذّن وكبّر وانقشع ليلي وأدبر وانتهى حلمي وغبّر مثل دخاّنٍ وكير= ذاك حلمٍ قد حلمته في منام الليل نمته عن جنابك ماكتمته يالفى مثل السحر
يالفى الهفتاء سلامي قبل ما أختم كلامي يادويدار الظلامي شوشليٍ من مطير=قالها شاعر هوازن ماشكى رج التوازن وارث كنوز ومخازن لاقصد ينحت صخر


68
سريالية نائفية :

في مقاويس المحاني ألف جنيّة تلوج = كن يطيرّها مع الصفرة ملافيح العجاج
ولحّنت لي بنت ميمون الكريمة مونلوج = وسبّبت في قاعة القصر المعظّم ارتجاج
طقّو الزيران معها قطعة أحباشٍ زنوج = ورقّصت سبعين عفراء في تهنفلها غناج
تنتحي لإبن اليتيمة كل ماهبّت خجوج = في غطاليسٍ بهيمة مايضوّيها سراج
تقتطفلي سنديان الشعر من ذيك المروج = في طلاسم بابليّة قرطستها لي بزاج
حبرها من دم سلمى نادلة بار العلوج = وكاغده أبيض من الجمّار كنّه ناب عاج
هينمانيّة حروفه أخرست عوج الهروج = هيقمانيّة عزيفه عكّرت صاف المزاج
والهموم المدلهمّة في تقسطلها تروج = مثل فلك النون يوم إنه تمايل به وراج
آتمقّل بالليالي والدهر فينا يموج = وآتصفح كيتلوج العمر في ضحكة حجاج
مسرحيّة والليالي صفصفتها بالدروج = قبل شهريار يدعي شهرزاده للزواج
ماتحسفت ابولوجي لين ضيّعت الخروج = لعبة الدنيا متاهه والبشر فيها عياج
السعيد اللي يقّدي خطوته قبل الولوج = والتعيس اللي وطى ذيل الحنش لحظة هياج
الليالي صيعريّة والأمل مثل الخلوج = والمنايا صيرميّة والأماني بإندلاج
لودرى طرفه بحتفه كان ماباج الفجوج = وانتهى مثل النميري خلف قضبان وسياج
لكن الرهبوت مدلج والمنايا فوج فوج = معتزي بالله يدعي بالحرم له ألف حاج
هيّضه صوت الهديل اللي يسوج الفكر سوج = عيطبول الأخشبين اللي لها بالمجد تاج
يوسفيّة طائفيّة يانعه فيها نضوج = من شرب من عين ماها قال ماء غيره هماج
أنور من الكهرمانة وأحمر من الورد روج = خيزرانة لاتثنّت مالت القاع إبتهاج
إعوجاجيّة جسدها زلزلت هاك البروج = خصرها الهايف يندّد قسوة الردف إحتجاج
كفّنيني ياهنوف الريم يالترف الغنوج = عن عفاريتٍ توارى بالثرى تحت الزراج
وحندسيني في ثليلٍ فاحمٍ مثل الدلوج = واسكبي لي من خمور الأندرينا في زجاج
شاعرك سكّان عبقر في دهاليزه تدوج = تمتمت له أم معبد واسحنت بخته بصاج
بايعه تسعين سفلي أقبلو فوق السروج = وفوق راسه تسعه وتسعين ديدبان ماج
انفثي بإذني تبارك والمعارج والبروج = واختميها بالمثاني وانقعيها لي علاج


69
قصيدة ( فصحى ) بسبب رسالة بالجوال جاءتني لحضور
امسية شعرية لأحدى الشاعرات وفحوى الرسالة
يقول ( يوجد مكان للرجال ) :

عن خلطِ نساءً برجالي = أخبرني واردُ جوّالي
أمسيةٌ تحييها فتاةٌ = أغراها الفاسقُ بالمالي
ولجت للقاعةِ تختالُ = نزلت لطمانٍ وهيالي
دخلت كي تلقي أشعاراً = مابين نساءٍ ورجالي
ضلّلها شيطانُ الإنسِ = غرّرها جهل الجهّالي
أبدت للناس مفاتنها = أعماها الفكر اللبرالي
حضر الشيطان لمحفلها = إبليسٌ ومعاهُ ثعالي
صدحت والشر يشجّعها = كي تجهر بالصوتِ العالي
نبذت أسرتها وتوارت = تركت تربيةُ الأطفالي
قُطف النسرينُ فيا أسفاً = قد ذبل النسرينُ الغالي
أختاهُ توبي واعتزلي = أروقةً للفسقِ توالي
أَمَة الرحمن بجلبابك = وبدينك فامشي واختالي
وابتهلي لله وقولي : = ياربي أصلح أعمالي
وامنحني في الدنيا حسنة = أحسن خاتمتي ومآلي


70
يارب يارحمن :

ياربي يارحماني = ياخالق الإنساني
اغفر جميع ذنوبي = يامدبّر الأكواني
اشكي عليك أحوالي = وإنت الكريم العالي
اصلح جميع أعمالي = بالنور والإيماني
الروح لك محتاجه = مالي بغيرك حاجه
إنت الأمل وافراجه = يامنزل القراني
جنبني يا آلاهي = عن فتنة الملاهي
وادمح لعبدن لاهي = في دنيته هيماني
ياهازم الأحزابي = بالريح والسحابي
من لاذبك ماخابي = ياداحر الشيطاني
اغفر ذنوبي كلّه = ادقاقها وجلّه
واروي ضماي وبلّه = يامروي العطشاني
جيتك كلي خطايا = ياكاشف النوايا
ربي استجب دعايا = وارحمني يارحماني


71
قصيدة بصحيفة عين حائل :

سلام يالمحفل حضور وجماهير = من هاجس الشاعر وصادق ضميره
سلامٍ أحلا من حليب المغاتير = وازكى من أنفاس الورود وعبيره
آقولها بالحفل شيمه وتقدير = وآزفها لهل الوجيه السفيره
من ديرتي بقعاء قطعت المشاوير = من شان أبومرعي وماجد عشيره
جيت احتفل معهم واخط التعابير = وابدي سلامي للجموع الغفيره
في قصر روشن حايل استرسل الطير = لعيون حايل واهل حايل وأميره
أميرنا اللي حيّر الفكر تحيير = سعود أبوفيصل ولافيه غيره
اللي فرش حايل زهور ونواوير = وسّع شوارعها وقاد المسيره
وجه السعد فيه الفرح والتباشير = حايل تماريبه على كل ديره
حاتم لو إنه حي من صيته يغير = مكارمه بين البرايا كثيره
وعضيده اللي سخّر الصعب تصخير = عبدالعزيز اللي جهوده كبيره
يمنى أبوفيصل يشاوره ويشير = ابن سعد ماخاب من يستشيره
أجا وسلمى تفتخر فيه وتنير = شمسه على كل البوادي منيره
وعبدالله بن خالد سليل المناعير = مداّت شعري في جنابه قصيره
فكره حضاري طوّر الدار تطوير = طوّر لنا حايل وصارت مثيره
ليّن جناب وشامخ الراس وامير = يعمل لجل تبقى العسيره يسيره
والمملكه في عهد أبومتعب بخير = مليكنا المحبوب صقر الجزيره
ملك ملك عون الضعوف المعاسير = يشهد له التاريخ والله نصيره
وسلطان أبوخالد يقود الطوابير = ولي عهد وباللوازم ذخيره
صوّر لنا بذل العطاء خير تصوير = كفه سحايب والعطايا غزيره
نعمٍ هل العوجاء سيوفٍ بواتير = هل المواقف والعلوم الجديره
شرب المصايب مثل شرب المباهير = كسّابة الناموس يوم المغيره
الله يجنّبهم صدوف المقادير = ويكفيهم شرور الليال وهجيره
وياحفلنا الميمون شعري بكم غير = وش ماطرقت من الطروق العسيره
حبيت اشارك بالبيوت المساطير = حفلة رجالٍ بالصحافة خبيره
حفلة رجالٍ بالصحافه مشاهير = وصحيفةٍ بين الصحايف شهيره
صحيفةٍ فاقت جميع التصاوير = هي عين حائل من قراها تثيره
منيف يرعاها وماجد لها يدير = مع نخبة رجالٍ عليها بصيره
واختامها عد الزهر والعصافير = صلو على المختار واف السريره


72
قصيدة بقبيلة السرحان بمناسبة حفلهم الخامس في دولة الأردن الشقيقة 1430هـ

المبتدأ باللي خلق للبحر شط=اللي دحى أرضه ورسّابها الطور
وصلاةٍ أزكى من عطيط المخلّط=على الشفيع اللي غدى للبشر نور
ومن بعدها يامحمد الجذل سفّط=البهبهاني ودّنا نقطع البور
إنت الكريم اللي على الطايله نط=وإنت السلاح اللي ذعر كل مذعور
وإنت الرفيق اللي على الدرب ماغط=من فوق جمسٍ للمهمات مخبور
على صحاصيح الخلا ذيبٍ امعط=توايره تُودع صفى القاع مشطور
يرقابنا روس المشاريف وهْبط=ويشوحنا من دون عرعر وابا القور
مكينته ماينتثر زيتها قط=ولاتحتمي لوقامت سيوره ادّور
له هيبةٍ لاجا التفاتيش وشْرط=واليا وقف كلٍ تحلاّه مبهور
لجّة مواصيره هدير المربّط=مابين ذيدان المباكير مهجور
وقدحت شكامينه كباريت تشْخط=والاّ شهابٍ في دجى الليل مسجور
الجيب لوسوّى سواياه خبّط=حتى السفاري من مزاياه مقهور
أسطوري الهيكل خرافي مجنّط=تقول فلمٍ مخرجه نجدة أنزور
أنا اشهد إنّه للمهمات والخط=مشكور يامن صمم الجمس مشكور
ويالشمري ادعس على البنص وشْحط=وعنّز على الأردن معَ فجّة النور
نبي على المبروك نكفخ ونمْغَط=حرّوة مغيرٍ للسراحين مشهور
هل البويضاء لحْتمى الوقت وشْتط=ترسي كما يرسي على الموج بابور
كم فارسٍ من هول رمحه تفرشط=وعوّد على ربعه كسيرٍ ومدحور
على العدا أقسى من السيف وسْل=وإلاّ موالينه بساتين وزهور
تكْرم جناب الضيف بالطيب وتْحط=مع الشبب كيف المباهير وبْخور
ستر اللي بعويد الشمطري تمشّط=ريف الدخيل اللي زبن حرْوة الدور
يقوله اللي زاج طرسه تمغنط=كن اليراع ابخنصره بات مسحور
النايف اللي بالمهمات يقلط=شاعر هوازن لا حضر مثّل الدور
وخْتامها يافارقٍ بحره ابشط=تخْتم مساعي حفلنا بذنب مغفور


73
رسالة إلى الشيخ الكلباني :

الله يسامح عادل الكلباني = شيخٍ سقط له سقطةٍ دينيّه
جاب المطمّة وأغضب الرحمن = حلل أمورٍ منكره منهيّه
قال الأغاني جايزة يا أخواني = آباحها ياناس بالكليّه
أجاز فعل المطرب الفناني = فتواه فتوىً ماهي بشرعيّه
يعني يبينا نسمع الحلاّني = ورابح صقر وآصاله الشاميّه
والساهر اللي هام في قبّاني = وابن المهندس راعي الشوبيّه
وعبد المجيد وملحم وغساّني = وراعي وناسه مطرب الشرقيّه
ياشيخ خاف الممهل الديّاني = راقب أمورك هذي وهذيّه
خل المعاند وادحر الشيطاني = بالك تكابر بالخطأ والسيّه
اسحب كلامك واطلب الغفراني = ربك كريم ولايبي جاهيّه
سبحانه اللي خالق الإنساني = يكشف نوايا عبده المخفيّه
بادر بتوبة خايفٍ شفقاني = وارسل رسالة عاجلة خطيّه
تفتي بها للعالم الحيراني = شر الغنا وأمراضه القلبيّه
حب الطرب مع لذة القرآني = ماتجتمع مثل اللهب والميّه
مايجتمع فالقلب حب اثناني = حب الغنا مع آيةٍ قدسيّه
واذكر بأنك مجتهد غلطاني = وافتيت فتوىً ماهي بعاديّه
نبغاك تاقف ماقف الشجعاني = نبغاك تاقف وقفةٍ جديّه
لهو الحديث افتابه الشيباني = أحمد وابن القيّم الجوزيّه
وعبدالله بن عباس والنعماني = حتى تقي الدين بن تيميّه
خايف تشيل أوزار واحد ثاني = يجعلْك حجّة لا لقى باريّه
يقول ربي عادلٍ أفتاني = يستشهد ابهفواتك الفقهيّه
هذي نصيحة شاعرٍ عتباني = يسند عليك أبياته الشعريّه


74
شاهدت قناة وصال وآلمني كلام الرافضة في الصحابة
وزوجات النبي عليه وآله الصلاة والسلام وخرجت هذه الحرة لكم ( فصحى ) :

تُجادلني الروافض ياربـابُ =وإني الشاعرُ البحرُ العُبـابُ
أيغضبهم سبابـي للزنـادق = وأَرضاهم بعائشة السبابُ ؟
يسبّون الصحابة كـل يـومٍ = أبا بكـرٍ وعمـرٍ ياربـابُ
وعثمان ابن عفاّنٍ وطلحـة = فصار الصقر يشتمهُ الغرابُ
رسول الله أهـدر دمَّ كعـبٍ = سِبابُ الصحبِ يوجبهُ العذابُ
سـلامٌ ياأبابـكـرٍ ســلامٌ =وعذرٌ لوتناهشـك الكـلابُ
بنو الإسلام يالصدّيق ضلّوا = ونور الشمس غطاّهُ الضبابُ
بِكم كُنّا وكنّـا يـوم كُنتـم = فأغرتنا المنابـر والقُبـابُ
تقاعسنا عن الدين الحنيفِ = فعّم الضعفُ وانتشر الخرابُ
رسول الله قدوتنا وصحبـه = وأنت الراشدُ العدلُ المُهـابُ
فأنتـم ياأبابـكـرٍ نـجـوم = وآل البيت أنـواءٌ سحـابُ


75
مداعبه شعرية بيني وبين الشاعر سعود المقاطي
يقول سعود :

أنشدك وأبغى منك فتـوى وتفسيـر=فتوى الشيوخ أهل اللحى والعمايـم
لا صرت أكلّم شخص مزيون وصغير=هو يجرح صيامي ليا صرت صايم؟؟


76
فتواي لسعود هههه :

كانه على صوت الصغيّر تياسير = حاكه وأنا بلغي عليك القسايم
ان كان ماتارد على جمة البير = وتشرب براد المي حدر اللثايم
ولا تشوف اللي حوته الآزارير = تراك عني يافتى الجود صايم


77
حب العتيبي للبعارين والجمس :

من هاتفي ارسل لبو صالح حمود = جزل البيوت النادرة غيبة الشمس
من ديرتي بقعاء الى حايل الجود = كزيتها والطرس مايقبل الطمس
لبوفهد نقوة شياهين وفهود = راع الدلال اللي حمس بنّها حمس
سِمّي على جدّه ابو مطلق العود = امير الاحساء وافتحو صفحة الامس
يوم استلمها صارت سهود ومهود = من هيبته ماتسمع بقصره الهمس
يابوفهد سيف الهوى صار مجرود = قداّم نايف وانغمس بالهوى غمس
اهرف هريف الذيب لاذعذعت نود = بسباب من حبه رمس خاطري رمس
طيرة بحر منزالها كل عمرود = لا وحوّلت بالجو تجلالي العمس
لاسلهمت بعيونها النجّل السود = بصمت له ياحمود بالعشر والخمس
ألين من الكتّان واهيف من العود = من لينها المفروض تمنع من اللمس
احبها ياحمود وابياتي شهود = حب العتيبي للبعارين والجمس


78
بقعاء هواي :

ياللي تحبّون القصايد والأبيات=خوذو من ابن عبيد آخر قصيده
أمس العصر نطّيت روس الطويلات=أدلّه التفكير واطفي وقيده
اسلّي النفس الحزينة بسجّات=وآمد شوفي بالبلاد البعيده
واشرف على دار الكرم والكرامات=دار اللّوى دار الصفاة المجيده
ديرة هلي نبع الوفاء والمروّات=ماكر صواريم الرجال الشديده
العزوة اللي ترتكي للمهمّات=هل الفضايل والخصال الحميده
اللي لهم في صفحة المجد صولات=مواقف الأبطال دايم تليده
ضديدهم ماحصّل إلاّ الخسارات=وقصيرهم يلقى الحياة الرغيده
رقو على روس المعالي دراجات=يستاهلون النعم وارجع واعيده
بقعاء هواي ولابهذا مراوات=بقعاء غرامي والليالي شهيده
اقطف لها من مشتل الشعر باقات=وانحت لها جزل البيوت الفريده
وقفة وفاء من شاعرٍ مابعد مات=يجيب من عنّده لحونٍ جديده


79
شمّر أهل الرمح والسيف الشطير :

راكب اللي لامشى كنه أميرِ=ايتباهى ويتغنّج في فخر
أقصد الفكسار ليش إنه خطير=موترٍ بين المخاليق اشتهر
من قبل قولي تمثّل به مرير=ووصفه فرحان بأبيات وشعر
وارد اليابان صنّاعه خبير=يقطع أميال ومسافات ووعر
في مزاياته وفي شكله مثير=معجزة يابان إبداع وفكر
لمع زيكه كنه السيف الشطير=في يمين الشمري يوم الظفر
يوم يقبل مثل موسى بن نصير=وإن تقفيته عقيدٍ منتصر
أفنس الخشه تكل خشة بعير=عابسٍ وجهه تكل ضابط خفر
أبيضٍ لونه مثل سن الغرير=أو ذكر بطٍ على ضفّة نهر
كشنه الديباج وأسلاك الحرير=مقعدٍ طبي وتكّاية ظهر
والسيور اللي تدور وتستدير=كن توحاّبه صدى نايف صقر
لانوى الممشى وعزّم بالمسير=وش يسوّي الرنج عنده والهمر
مايدوّر به بدل شخصٍ بصير=ولاقناه إلاّ فطينٍ مقتدر
كل حاجه تستشير ابها شوير=ماعدى الفكسار لو عندك نظر
لنّه المجلوب للدرب العسير=لنّه المطلوب بدروب السفر
مايطقّه كل محتاج وفقير=ولامسح كبوّته الوجه الودر
مركب شيوخ وهوامير ووزير=والضعيّف يفرك ايدينه قهر
لاعطاه القاز سوّاقه يطير=واعتقد لوله جناحاتٍ شهر
نيزكٍ يقشع دياجير وهجير=مثل ماكوك الفضاء يرسل شرر
سايقه حرٍ من ربوعي جدير=من ضنا الهيلا طويلين العمر
انطلاقة رحلته تلعة زرير=ومدرجه حايل وشمّر يابشر
الطنايا فيهم أبياتي تحير=كيف أوصّف مفخرتهم في شطر
شمّر أهل الرمح والسيف الشطير=تقطف أرقاب العدى قطف الثمر
محتمين الدار لاصاح النذير=لابسين الطاس والجوخ الحمر
للمعادي حنظليل وزمهرير=وللموالي يوس فندي وزهر
تكرم العاني وتفزع للقصير=تنصر المضيوم وتدوس الخطر
من زبنهم ينعم ويصبح بخير=ومن تحداهم يبي ينطح صخر
كم عقيدٍ منّهم عوّد كسير=وقام ينطي ربعه دروس وعبر
وياصلاة الله عدد ماطار طير=للرسول اللي فدى الدين ونشر


80
حوار مع شيطان :

من يوم ماكبّر خطيب الميامين=تلبّساً شيطان عَبْقر وجاني
جاني يقول إنه رسول المحبين=جلبابه البرنس تعنّى عشاني
آهيب يا ( خنّزب ) ضديد المصلين=حتّى وأنا اصلّي يوش وش بذاني
يقول صيتك شاع عند الشياطين=ياساحر القيفان شِعرك سباني
من العالم السفلي معي تسع وتسعين=لك حضرّو مابين مارد وجاني
لبّو يحيّونك من الغرب والصين=من حد مراكش لين ظفار وعماني
ومن سبّع الأرضين جولك ثمانين=كم مارجٍ عفريت وكم ديدباني
وش عاد لو جينالك اليوم عانين=نقطع عشانك غيّهب الهيقماني
سحمٌ أشوسٌ رمد مثل الثعابين=على بساط الريح والهيدباني
( أقبض ) على يسراك و( آزب ) على يمين=و( أم مدلم ) و( لاقيس ) جولك عواني
و( ظليم ) و( هفهاف ) إنتحولك ملبين=على خيولٍ كنّه المردياني
قلت الله أكبر ياسلايل عزازين=كل هذا ليش إنه فصيحٍ لساني
ماني من اللي يقدّمون القرابين=دحرت مزمارك بسبعٍ مثاني
وآمنت باللي أقسم بطور سينين=اللي سما فوق السماء عن طماني
لابلّكم وبل الحيا قولو آمين=روحو وراكم جعلكم للهواني
ميرادكم ناراً تلّظى وغسلين=وانسل قدامي تقل إفعواني
وكبّرت في حيني ولافاتني شين=وصلّيت فرضي وابتهلت بمكاني

/

وَسَلاَمٌ عَليِكُم حَتَّى مَطْلَع اَلفَجر

 

 

 

 

 

 

 

 

 

 


التوقيع


صَفحَتي عَلى اَلفيْس بُوك
مُدوْنَتي
حِسَابي فِيْ تويْتَر

 

   

رد مع اقتباس

قديم 08-04-2010, 01:26 AM   رقم المشاركة : 4
معلومات العضو
ولد الرآوي البقعآوي
آستغفر اللـه
 
الصورة الرمزية ولد الرآوي البقعآوي
 

 

إحصائية العضو








ولد الرآوي البقعآوي غير متواجد حالياً

 
آخـر مواضيعي

المستوى: 55 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة 408 / 1361

النشاط 2057 / 22338
المؤشر 45%

إحصائية الترشيح

عدد النقاط : 19
ولد الرآوي البقعآوي is on a distinguished road

 

 

افتراضي رد: ديواني وإيواني


 

كنوٍز الشعر هنآ وغيث المعآني هنآ وجميل المشآعر هنآ

هذه الصفحه سـ تكون من آميز صفحآتي في هذآ المنتدى

وسوف اصول وآجول لهآ لـ آتلذذ ممآ سطرته يآبو فهد : نآيف

شآعر بكل معآني الشعر آنت آنت آنت

 

 

 

 

 

 

 

 

 

 


التوقيع

 

   

رد مع اقتباس

قديم 08-04-2010, 04:32 AM   رقم المشاركة : 5
معلومات العضو
مامثلي
VIP
 
الصورة الرمزية مامثلي
 

 

إحصائية العضو









مامثلي غير متواجد حالياً

 
آخـر مواضيعي

المستوى: 32 [♥ Bأ©-Yأھu ♥]
الحياة 77 / 779

النشاط 468 / 13684
المؤشر 17%

إحصائية الترشيح

عدد النقاط : 10
مامثلي is on a distinguished road

 

 

افتراضي رد: ديواني وإيواني


 

صح لسانك يأبوفهد بكل قصيده انت بحر الشعر ومدراس الشاعر بس مهو بقصور بحق الباقيه كلهم بهم الخير وبركه انت غير متميز بكل حرف من كلماتك انت مبدع ونجم ساطع انت كوكبة الشعر سوف الفتاح لك قناة فضائية لك واحد يالغالي












تقبل تحيات محبك (مامثلي)

 

 

 

 

 

 

 

 

 

 


التوقيع

 

   

رد مع اقتباس

قديم 08-05-2010, 12:24 AM   رقم المشاركة : 6
معلومات العضو
نايف العبيد
ساحر الشعر
 
الصورة الرمزية نايف العبيد
 

 

إحصائية العضو








نايف العبيد غير متواجد حالياً

 
آخـر مواضيعي

المستوى: 32 [♥ Bأ©-Yأھu ♥]
الحياة 78 / 784

النشاط 474 / 16287
المؤشر 36%

إحصائية الترشيح

عدد النقاط : 25
نايف العبيد is on a distinguished road

 

 

افتراضي رد: ديواني وإيواني


 



ولد الراوي

/

مرور أعتز فيه ويشرفني الله لايهينك
صح بدنك يالغالي

دُمت بود

 

 

 

 

 

 

 

 

 

 


التوقيع


صَفحَتي عَلى اَلفيْس بُوك
مُدوْنَتي
حِسَابي فِيْ تويْتَر

 

   

رد مع اقتباس

قديم 08-06-2010, 02:23 AM   رقم المشاركة : 7
معلومات العضو
الموت الأزهري
VIP
 
الصورة الرمزية الموت الأزهري
 

 

إحصائية الترشيح

عدد النقاط : 10
الموت الأزهري is on a distinguished road

 

 

افتراضي رد: ديواني وإيواني


 

صح لسانك

يعطيك العافية

على القصائد الرائعة ...

 

 

 

 

 

 

 

 

 

 


التوقيع

 

   

رد مع اقتباس

قديم 08-07-2010, 10:10 PM   رقم المشاركة : 8
معلومات العضو
راقص السامبا
VIP
 
الصورة الرمزية راقص السامبا
 

 

إحصائية الترشيح

عدد النقاط : 10
راقص السامبا is on a distinguished road

 

 

افتراضي رد: ديواني وإيواني


 

روعه روعه روعه يابو فهد


ياساحر الشعر والشعار

 

 

 

 

 

 

 

 

 

 


التوقيع



مشكوور يآ آبوأحمد على هالتوقيع الروعه =)

 

   

رد مع اقتباس

قديم 08-13-2010, 02:12 PM   رقم المشاركة : 9
معلومات العضو
نايف العبيد
ساحر الشعر
 
الصورة الرمزية نايف العبيد
 

 

إحصائية العضو








نايف العبيد غير متواجد حالياً

 
آخـر مواضيعي

المستوى: 32 [♥ Bأ©-Yأھu ♥]
الحياة 78 / 784

النشاط 474 / 16287
المؤشر 36%

إحصائية الترشيح

عدد النقاط : 25
نايف العبيد is on a distinguished road

 

 

افتراضي رد: ديواني وإيواني


 



مامثلي
حياك حياك .. وصح كلك يالغالي
عاد قناة مرة وحدة هههههههه
الله يسعدك دنيا وآخرة

دُمت بود

 

 

 

 

 

 

 

 

 

 


التوقيع


صَفحَتي عَلى اَلفيْس بُوك
مُدوْنَتي
حِسَابي فِيْ تويْتَر

 

   

رد مع اقتباس

قديم 08-14-2010, 01:43 PM   رقم المشاركة : 10
معلومات العضو
نايف العبيد
ساحر الشعر
 
الصورة الرمزية نايف العبيد
 

 

إحصائية الترشيح

عدد النقاط : 25
نايف العبيد is on a distinguished road

 

 

افتراضي رد: ديواني وإيواني


 



الموت الازهري

/

صح بدنك ولاهنت
مرورك اسعدني وابهجني

دُمت بود

 

 

 

 

 

 

 

 

 

 


التوقيع


صَفحَتي عَلى اَلفيْس بُوك
مُدوْنَتي
حِسَابي فِيْ تويْتَر

 

   

رد مع اقتباس
إضافة رد

مواقع النشر (المفضلة)

الكلمات الدلالية (Tags)
ديواني, وإيواني


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 12:59 PM

لكي تستطيع التسجيل في المنتديات يتوجب عليك وضع بريد صحيح
RSS RSS 2.0 XML XML2 SiteMap SiteMap2 ARCHIVE HTML HTML2 EXTERNAL JS URLLIST
 


Powered by vBulletin® Copyright ©2000 - 2014, Jelsoft Enterprises Ltd.